बाबुराम भट्टराई

प्रसिद्ध चिन्तक राल्फ वाल्डो एमर्सनले भनेका छन्– ‘जब यथेष्ट अँध्यारो हुन्छ, तब मात्र तारा देखिन्छन् ।’ जहाँ संकट र समस्या चरम बिन्दुमा पुग्छ, त्यसपछि समाधानको खोजी हुन्छ । त्यसैले समाजको अग्रगमनकारी परिवर्तनका निम्ति यस्ता निर्णायक उतारचढावका बिन्दु आउँछन् । १८ औं शताब्दीसम्म हामी विश्वकै हाराहारीमा धनी वा गरिब जे भनौं, थियौं ।

सुवासजीसँग मेरो २०४६ सालको आन्दोलनदेखि परिचय र सहकार्य हुँदै आएको हो । मुख्यगरी सात राजनीतिक दल र माओवादीबीच १२ बुँदे समझदारी, शान्ति प्रक्रियामा आएपछि उहाँसँग नजिकबाट सहकार्य गर्ने मौका जुर्‍यो । संविधानसभा रहने क्रममा उहाँ संविधानसभाको अध्यक्ष र म प्रधानमन्त्री अनि दोस्रो संविधानसभामा म संवैधानिक समितिको सभापति थिएँ । त्यसबेला निकट सम्बन्ध राखेर काम गर्ने अवसर मिल्यो ।