कलाकार दर्शकको संवेदनशीलता बुझेर अभिनयमार्फत यश र ऐश्वर्य कमाउने मान्छे मात्रै होइन । ऊ मुलुकको सचेत नागरिक पनि हो । र, त्यसकै उदाहरण हुन्– खगेन्द्र लामिछाने । घर कमजोर छ भने त्यसलाई मजबुत पार्न एउटा कुनोबाट निर्माण सुुरु गर्नुपर्छ । खगेन्द्रले झैं नेपालका प्रत्येक युवाले आ–आफ्नो मेलो पाए देशले आफ्नो मुहार फेर्न कुनै ‘मसिहा’ लाई पर्खेर समय नष्ट गर्नु पर्दैन । तर, मानिसको जीवनमा परिवर्तन जगाउन कुनै घटनाको आवश्यकता पर्दोरहेछ । कस्तो घटना थियो, जसले खगेन्द्रलाई आफ्नो बगैंचा सिँगार्न र विस्तार गर्न प्रेरित गर्यो ? प्रस्तुत छ दस वर्षअघि उनले देखेको एक झिल्को सपना, उनकै लेखनीबाट :
