एकनारायण अर्याल

नागरिकका न्यूनतम आधारभूत आवश्यकताहरू पूरा गर्न र बाँच्नका लागि बाध्यतावश गर्नुपर्ने अनियमितता, भ्रष्टाचारजस्ता खराब आचरण बीजारोपण हुने धरातललाई साँघुरो बनाउन राज्यमा सुदृढ सामाजिक सुरक्षा प्रणाली अपरिहार्य हुन्छ ।

नेपालको संविधानको धारा ३४ मा श्रमिकहरूको योगदानमा आधारित सामाजिक सुरक्षा एवं धारा ४३ मा आर्थिक रूपले विपन्न, आफ्नो हेरचाह गर्न नसक्ने र लोपोन्मुख व्यक्तिलाई राज्यले सामाजिक सुरक्षाको दायरामा ल्याउनुपर्ने व्यवस्था छ ।