नेपालमा सन् २०११ देखि २०२० सम्म १ लाख ७२ हजार मानिस सडक दुर्घटनाबाट प्रत्यक्ष प्रभावित (२२,००० मृत्युÙ १,५०,००० घाइते) भएको सरकारी तथ्यांक छ । जनगणनाको तथ्यांकअनुसार, नेपालमा करिब ५५ लाख घरधुरी छन्, सबै प्रभावित फरक–फरक घरधुरीका सदस्य मान्ने हो भने आजसम्म औसतमा हरेक १०० मध्ये ३ घरमा कोही न कोही सडक दुर्घटनाबाट प्रत्यक्ष प्रभावित रहेछन् । अर्कातर्फ, यस्तो दुर्घटना दिनानुदिन बढ्दो क्रममा छ । हामीकहाँ सडक दुर्घटनाबाट मृत्यु हुनेको संख्या हरेक वर्ष विभिन्न प्रकोपबाट हुने मृत्युभन्दा बढी छ ।
संयुक्त राष्ट्रसंघको महासभाले यस वर्षदेखि हरेक जुलाई २५ लाई ‘वर्ल्ड ड्राउनिङ प्रिभेन्सन डे’ घोषणा गरेको छ । पानीमा डुबेर हुने मृत्यु रोकथाम गर्ने उद्देश्यका साथ यसको थालनी गरिएको हो । विश्वभरि बर्सेनि २ लाख ३५ हजार मानिसको पानीमा डुबेर मृत्यु हुने गरेको तथ्यांक भेटिन्छ ।
