स्थानीय निर्वाचन मुखैमा छ, संघीय संसद्को निर्वाचन आउन वर्षदिन पनि बाँकी छैन । टोलटोलका ठेकेदार, धन्देबाजदेखि राष्ट्रियस्तरका साहुकारसम्मले चुनावमुखी सक्रियता बढाइरहेका छन् । तर, आउने चुनावको परिणाम सम्झेरै केही ‘कम्युनिस्ट’ नेताहरू आँतैदेखि आतंकित देखिन्छन् । उनीहरूका सार्वजनिक अभिव्यक्तिमै भयग्रस्तता र मनोवैज्ञानिक त्रास सुन्न सकिन्छ । यस्तो त्रसित पंक्ति सबैभन्दा बढी माओवादी केन्द्र र एकीकृत समाजवादी (एस) मा छ ।