सूचनालाई स्रोत, शक्ति र साधनका रूपमा हेर्ने गरिएको छ । यिनै शक्तिशाली सूचनाको पर्याय हो, हामीले उत्पादन र प्रयोग गर्ने तथ्यांक । राष्ट्रिय तथा अन्तर्राष्ट्रिय परिवेशमा तथ्यांकको महत्त्व तथा प्रयोग दिनानुदिन बढ्दै गएको छ ।
कृषिलाई मानव सभ्यताको प्रतीकका रूपमा लिने गरिन्छ । जब मानव जंगली युगबाट खेतीपातीको युगमा प्रवेश गर्यो, तब उसले स्थायी बसोबासको प्रबन्ध पनि सँगसँगै गर्न थाल्यो र यससँगै मानव सभ्यताको सुरुवात भएको हो भन्ने विश्वास छ । खेतीपातीको सुरुवाती युगदेखि आजसम्म पनि मानिसका आधारभूत आवश्यकता परिपूर्ति गर्ने एउटा प्रमुख क्षेत्र कृषि नै हो ।
