राम कार्की ‘पार्थ’

मार्क्सवाद धेरै पुरानो भयो । मार्क्स जन्मिएको दुर्ई सय वर्ष पुगिसकेको छ । मार्क्सका कृतिहरू आएकै पनि एक सय सत्तरी वर्षभन्दा बढी भएको छ । मार्क्सले तीस वर्षको उमेरमै महत्त्वपूर्ण कृतिहरू लेखिसक्नुभएको थियो । तैपनि पछिल्ला विकासले मार्क्सवादको आधारभूत प्रस्तावनालाई निषेध गरेको छैन । इतिहास र समाजबारे त्योभन्दा बेग्लै निष्कर्ष निक्लेको छैन ।

अस्थिरता, असमानता र स्वेच्छाचारिता पुँजीवादको नैसर्गिक र स्थायी चरित्र हो । यी सबै हुँदा हुँदै पनि पुँजीवाद हाम्रा अग्रज माक्र्सवादीहरुले अपेक्षा गरे अनुसार समाजवादी क्रान्तिद्वारा प्रतिस्थापित हुन सकेन । अहिलेसम्म विश्व पुँजीवादी व्यवस्थामा आएका संकटहरुलाई टार्न पुँजीवाद सफल देखिएको छ ।