कांग्रेसमा पछिल्लो समय बढेको सभापति शेरबहादुर देउवा र बरिष्ठ नेता रामचन्द्र पौडेल समूहको विवाद समाधानका लागि दोस्रो तहका नेताहरुले प्रयास तीव्र बनाएका छन् । देउवा समूहबाट उपसभापति विमलेन्द्र निधि र पौडेल समूहबाट पूर्वमहामन्त्री प्रकाशमान सिंहले विवाद साँघुर्याएर सहमतिको आधार तयार गर्न मंगलबार साँझ छलफल गर्ने पौडेल समूहका केन्द्रीय सदस्य दीलेन्द्र बडुले बताए ।
कांग्रेसमा महाधिवेशनको मिति घोषणा, सदस्यतासम्बन्धि विधानको धारा निलम्बन र विभाग संख्या थप गर्ने विषयलाई लिएर विवाद भइरहेको छ । सभापति शेरबहादुर देउवा पक्ष र वरिष्ठ नेता रामचन्द्र पौडेल पक्षबीचको यो विवाद बढ्दै गएको छ ।
कांग्रेसका जिल्ला सभापतिहरुले केन्द्रीय कार्यसमितिले बहुमतबाट गरेको विधानका धारा निलम्बन गर्ने निर्णय तत्काल सच्च्याउन माग गरेका छन्। पार्टी केन्द्रीय कार्यालयमा भेला भएका नेता रामचन्द्र पौडेलनिकट जिल्ला सभापतिहरुले पार्टी सदस्यता सम्बन्धी धारा कार्यसमितिले बहुमतका आधारमा निलम्बन गर्नु अलोकतान्त्रिक भएको बताएका हुन् ।
राष्ट्रिय सभाका १८ सदस्यका लागि ४५ जनाले उम्मेदवारी दिएका छन् । निर्वाचन आयोगले तोकेको समय आइतबार बिहान १० देखि दिउसो ३ बजेसम्म ४५ जनाको उम्मेदवारी परेको हो ।
प्रतिपक्षी नेपाली कांग्रेसले लामो रस्साकस्सीपछि राष्ट्रिय सभा निर्वाचनका लागि १६ उम्मेद्वार चयन गरेको छ । सभापति शेरबहादुर देउवा निवास बुढानिलकण्ठमा शनिबार बिहान बसेको पदाधिकारी बैठकले ९ माघमा हुने निर्वाचनका लागि ७ प्रदेशबाट गरी १६ उम्मेद्वार छानेको हो ।
नेपाली कांग्रेसले राष्ट्रियसभा निर्वाचनका लागि १४ उम्मेदवारको नाम टुंग्याएको छ । शनिबार बिहान पार्टी सभापति शेरबहादुर देउवाको बूढानिलकण्ठस्थित निवासमा बसेको पदाधिकारी बैठकले उम्मेदवारको नामावली टुंग्याएको प्रवक्ता विश्वप्रकाश शर्माले जानकारी दिए ।
राष्ट्रियसभा निर्वाचनमा पार्टीका तर्फबाट उम्मेदवार चयन गर्न बस्ने कांग्रेसको पदाधिकारी र केन्द्रीय कार्यसमिति बैठक नेता रामचन्द्र पौडेल र कृष्णप्रसाद सिटौला समूहले बहिष्कार गर्ने भएका छन् । तर, राष्ट्रियसभा उम्मेदवार सम्बन्धमा हुने निर्णय भने मान्य हुने पौडेल समूहले बताएको छ ।
उपसभापति विमलेन्द्र निधिले राष्ट्रियसभा निर्वाचनमा पार्टीका उम्मेदवार तय गर्न १७ पुसमा केन्द्रीय कार्यसमिति बैठक बोलाउने तयारी सभापति शेरबहादुर देउवाले गरेकाले सहभागि हुन नेता रामचन्द्र पौडेललाई आग्रह गरेका छन् । सोमबार विहान पौडेल निवास बोहोराटारमा पुगेर उपसभापति निधिले पौडेललाई बैठकमा सहभागि हुन आग्रह गरेका हुन् ।
११ पुसमा बसेको कांग्रेस केन्द्रीय समिति बैठकले बहुमतले पार्टीका विभाग २८ बाट बढाएर ४७ पुर्याउने निर्णय गर्यो । पार्टी नेता रामचन्द्र पौडेल र कृष्णप्रसाद सिटौला पक्षको उपस्थितिबिना बसेको बैठकबाट विभाग बढाउने निर्णय गरिएको थियो ।
नेपाली कांग्रेसले २०७७ फागुन ७ देखि १० गतेसम्म गर्ने गरी पार्टीको १४ औं महाधिवेशनको कार्यतालिका सार्वजनिक गरेको छ । शुक्रबार बसेको केन्द्रीय कार्यसमिति बैठकले बहुमतले १४ औं महाधिवेशनको कार्यतालिकासहितको मिति तय गरेको हो ।
