शुक्रबारदेखि सुरु भएको एसईईको प्रश्नपत्र ‘आउट’ गरेको आरोपमा बाराका एक परीक्षा केन्द्राध्यक्ष, दुई सहायक केन्द्राध्यक्ष र दुई निरीक्षकलाई निष्कासन गरिएको छ । आदर्शकोतवाल गाउँपालिकास्थित महेन्द्र आदर्श जयनगर च्युटाहा माध्यमिक विद्यालय केन्द्रबाट कारबाही गरिएको हो ।
शीतलहरले मधेस प्रदेशको जनजीवन प्रभावित भएको छ । विशेषगरी बालबालिका र वृद्धवृद्धा बिरामी परेका छन् भने केहीको चिसोकै कारण मृत्युसमेत भएको छ । प्रदेशका जिल्लामा सोमबारदेखि शीतलहर सुरु भएको हो । यहाँ अधिकतम तापक्रम २० भन्दा पनि मुनि छ । एकाबिहानै बाक्लो हुस्सुसँगै चिसो हावा चल्ने गरेको छ ।
मधेस प्रदेशमा प्रतिनिधिसभाका ३२ सिटमध्ये ६ वटामा स्वतन्त्र उम्मेदवार अगाडि छन् । मंगलबार साँझसम्म सर्लाहीका दुई, रौतहटका दुई, महोत्तरीको एक र बाराको एउटा क्षेत्रमा स्वतन्त्र उम्मेदवार मतगणनामा अगाडि देखिएका हुन् । स्वतन्त्रमध्ये कोही गठबन्धनका कारण दलबाट बागी भएका थिए भने कसैले दलको टिकटलाई पन्छाउँदै स्वतन्त्रतर्फ उम्मेदवारी दिएका थिए ।
सर्वदलीय बैठक बस्न ढिलाइले मधेस प्रदेशका आधाजसो निर्वाचन क्षेत्रमा सोमबार साँझसम्म मतगणना हुन सकेको छैन । सोमबार बिहान सप्तरी–२ र धनुषा–३ मा मतगणना थालिएको छ । मधेसमा प्रतिनिधिसभाका ३२ निर्वाचन क्षेत्रमध्ये सोमबार साँझसम्म १४ वटामा गणना सुरु हुन सकेको छैन ।
अघिल्ला निर्वाचनमा उम्मेदवारले गरेको वाचा पूरा नभएको र मधेसका एजेन्डा ओझेलमा परेको भन्दै मतदाता निराश हुँदा यसपालि मधेसमा चुनावी चहलपहल कम छ । राजनीतिक दल र उम्मेदवारले मनोमानी गठबन्धन गरेका कारण पनि निर्वाचनप्रति मतदातामा उत्साह छैन ।
जनता समाजवादी पार्टी (जसपा) का मधेस प्रदेश उपाध्यक्ष शेषनारायण यादवले आइतबार दिउँसो कांग्रेसमा प्रवेश गरेर प्रदेशसभा सदस्यमा उम्मेदवारी दर्ता गराएका छन् । धनुषा–४(क) मा जसपाबाट टिकट नपाएपछि रुष्ट बनेका उनलाई कांग्रेसका सहमहामन्त्री महेन्द्र यादवले पार्टी प्रवेश गराएर प्रदेशसभाको टिकट थमाइदिएका हुन् ।प्रदेश सांसद रहिसकेका पर्साका प्रह्लाद गिरी लोकतान्त्रिक समाजवादी पार्टी परित्याग गरेर एक महिनाअघि एमालेमा प्रवेश गरेका थिए ।
मधेस प्रदेशका अति संवेदनशील र संवेदनशील मतदान केन्द्रमा सुरक्षाकर्मीको विशेष निगरानी बढाइएको छ । भारतीय सीमासँग जोडिएका केही मतदानस्थल अति संवेदनशील रहेको भन्दै त्यहाँ विशेष तालिमप्राप्त सुरक्षाकर्मीलाई खटाइएको हो ।
धनुषाको मिथिला नगरपालिकाका निवर्तमान प्रमुख हरिनारायण महतो एमालेबाट यसपालि पनि चुनाव लड्ने सुरमा थिए । यसअघिका निर्वाचित प्रमुख भएकाले टिकटका लागि धेरै बढी मेहनत गर्नु नपर्ने उनको बुझाइ थियो । नभन्दै, उनले फेरि मिथिलाको नगर प्रमुखका लागि एमालेबाट टिकट पाए । तर, मनोनयनको अघिल्लो राति भने टिकट खोसियो । बागी उठेका उनले एमाले अध्यक्ष केपी ओलीसँगको भेटपछि शुक्रबार उम्मेदवारी फिर्ता लिए । महतोको टिकट खोसेर एमालेले व्यवसायी राजाराम महतोलाई दिएको छ ।
सत्तारूढ दलले स्थानीय तह निर्वाचनमा गठबन्धन गरेर अगाडि बढ्ने गृहकार्य गरिरहेकै बेला मधेस प्रदेशमा भने ती दलभित्रै आ–आफ्नै तरिकाले चुनावी मैदानमा होम्मिने सहमति गर्न थालेका छन् । पर्सामा सत्तारूढ दलको बैठकले स्थानीय निर्वाचनमा आफ्नै तरिकाले छुट्टाछुट्टै निर्वाचनमा प्रतिस्पर्धा गर्ने सहमति गरेको छ । धनुषामा भने कांग्रेसले जनकपुरधाम उपमहानगरपालिकामा आफ्ना उम्मेदवार घोषणा गरिसकेको छ ।
आगामी स्थानीय तह निर्वाचनमा उम्मेदवारीका लागि युवाले दाबी गर्न थालेका छन् । समयानुकूल विकास र भ्रष्टाचार न्यूनीकरण गर्नका लागि आफूहरूलाई उम्मेदवार बनाउन युवाले दलका स्थानीय नेतृत्वलाई दबाब बढाएका छन् ।
