कोरोना भाइरस महामारीयता पनि राष्ट्रियस्तरका ३–४ वटा ब्याडमिन्टन प्रतियोगिता आयोजना भए । त्यसमध्ये जुनियरबाट सिनियरमा पुस्तान्तरण हुँदै गरेका प्रिन्स दाहालले दुई उपाधि जिते । अर्को एउटा उपाधि प्रिन्सलाई नै हराएर दीपेश धामीले हत्याए । यसले घरेलु प्रतियोगितामा युवा खेलाडीबीच तीव्र प्रतिस्पर्धा दर्शाउँछ ।
नेपाल एपीएफ क्लब ट्वान्टी–२० फर्म्याटमा आयोजित प्रधानमन्त्री कप राष्ट्रिय क्रिकेट प्रतियोगिताको विजेता बनेको छ । कीर्तिपुरस्थित त्रिवि मैदानमा बुधबार सम्पन्न फाइनलमा एपीएफले विभागीय प्रतिद्वन्द्वी नेपाल पुलिस क्लबलाई २१ रनले पराजित गर्यो ।
नेपाली ब्याडमिन्टन स्टार प्रिन्स दाहालले जुनियर विश्व ब्याडमिन्टन वरीयताको शीर्ष स्थानमा पुग्दै इतिहास रचेका छन् । विश्व ब्याडमिन्टन फेडेरेसनले जारी गर्ने वार्षिक वरीयतामा सिंगल्सतर्फ उनी पहिलो नम्बरमा परेका हुन् ।
माल्दिभ्समा सम्पन्न साफ च्याम्पियनसिपको उपाविजेता नेपाली राष्ट्रिय फुटबल टोलीका खेलाडी तथा प्रशिक्षकलाई सरकारले दुई साताअघि पूर्वघोषित नगद पुरस्कार हस्तान्तरण गर्दा टिमको मुख्य अंग रहने फिजियोथेरापिस्ट त्यसमा समावेश भएनन् । किनभने खेलकुद पुरस्कार कार्यविधिमा फिजियो, टिम व्यवस्थापकलगायतलाई पुरस्कृत गर्ने उल्लेख नै छैन । खेलकुदमा खेलाडी र प्रशिक्षक जत्तिकै महत्त्वपूर्ण अंगको रूपमा रहेको फिजियोमाथिको विभेदले यसप्रति दक्ष जनशक्ति आकर्षित हुँदैन ।
सक्रिय खेलाडी जीवनकै क्रममा प्रशिक्षकको डिप्लोमा कोर्स गर्न भारतको पटियाला जाँदा जगदीश भट्टको सपना ठूलो थिएन, मात्र मानिसलाई स्वस्थ र अनुशासित बनाउन प्रोत्साहित गर्ने । जुनसुकै पेसामा रहे पनि मानिसका लागि मानसिक स्वास्थ्य र शारीरिक तन्दुरुस्ती अत्यावश्यक तत्व हो भनेर बुझाउनु थियो । त्यसका लागि उपयुक्त माध्यम खेलकुद नै रह्यो ।
राष्ट्रिय महिला भलिबल टोलीकी कप्तान अरुणा शाही राम्रो खेल्छिन्, कम बोल्छिन् । बोल्न लजाउँछिन् । एसियन सेन्ट्रल जोन सिनियर वुमेन्स भलिबलको ट्रफी बोकेर बिहीबार त्रिभुवन अन्तर्राष्ट्रिय विमानस्थलमा उत्रिएपछि स्वागत गर्न पुगेका खेलकुदमन्त्री महेश्वरजंग गहतराजसँग आँखा जुधाएरै भनिन्– अब कभर्डहल चाहियो ।
एसियन सेन्ट्रल जोन भलिबलका लागि बंगलादेश प्रस्थान गर्नुअघि युवा तथा खेलकुदमन्त्री महेश्वरजंग गहतराज उपस्थित कार्यक्रममा नेपाल भलिबल संघका महासचिव जितेन्द्रबहादुर चन्दको बिलौना थियो– राष्ट्रिय खेल घोषणा गर्नुबाहेक हामीलाई सरकारले हेरेन । पूर्वाधार, प्रतियोगिता र योजना कार्यान्वयनमा सहयोग गरेन ।
नेपालले एसियन सेन्ट्रल जोन सिनियर वुमेन्स भलिबल च्यालेन्ज कपको उपाधि रक्षा गरेको छ । लगातार दोस्रो संस्करण च्याम्पियन बन्न नेपाललाई अपेक्षाकृत सजिलो भएन । ढाकाको मीरपुरस्थित साहिद सुरवार्दी नेसनल इन्डोर स्टेडियममा उज्वेकिस्तानमाथि ३–२ सेटको जितसँगै नेपालले उपाधि उचालेको हो ।
खेलाडीको कारबाही प्रकरणमा ‘नोट अफ डिसेन्ट’ लेखेका नेपाल क्रिकेट संघ क्यानका ६ जना बोर्ड सदस्यले आफ्नै संघ विधि र प्रक्रियामा नचलेको आरोप लगाएका छन् । काठमाडौंमा बुधबार पत्रकार सम्मेलन गरेर उनीहरुले क्यानको यो कार्यसमिति निर्वाचित भएदेखिकै असन्तुष्टिहरुको लामो फेहरिस्त प्रस्तुत गरे ।