विश्व शान्तिका प्रवर्तक गौतम बुद्धको जन्म ई.पू. ६२३ मा लुम्बिनीमा भएको थियो । ई.पू. २४९ ताका मौर्य सम्राट् अशोक आफ्ना गुरु उपगुप्तका साथ लुम्बिनीको भ्रमणमा आएका थिए । त्यसै बेला अशोकले लुम्बिनीमा शाक्यमुनि बुद्धको जन्म भएको प्रमाणित गर्ने शिलालेखसहितको स्तम्भ स्थापना गरेका थिए । कलिङको युद्धमा हजारौं मानिसको मृत्युदेखि विक्षिप्त सम्राट्ले त्यसपछि बुद्धवाद अपनाएका थिए ।