बबिता शर्मा

प्रधानमन्त्री एवं माओवादी अध्यक्ष पुष्पकमल दाहालले पत्नी सीतालाई अन्तिम बिदाइ गरेका छन् । दुई छोरी रेनु र गंगालाई पछि लगाएर पशुपति आर्यघाटमा सीताको पार्थिव शरीरमा दागबत्ती दिँदा उनका हात कापिरहेका थिए । 

कांग्रेस सभापति शेरबहादुर देउवा स्वास्थ्य परीक्षणका लागि सिंगापुरमा रहेकै क्षण नयाँ सत्ता समीकरणको रूपरेखा कोर्न कांग्रेस र एमालेका दोस्रो तहका नेताहरूबीच भित्रभित्रै चलिरहेका संवादले सत्तारूढ गठबन्धनभित्र अविश्वास बढाएको छ । धेरै साना दलको समीकरण बन्दा राजनीतिक अस्थिरता हुने भन्दै एमालेले दुई ठूला दलको सहभागितामा सरकार बनाउन पहल गरेको छ, जसले आकार भने लिइनसकेको दुवैतर्फका नेताहरूको भनाइ छ । 

नक्कली भुटानी शरणार्थी प्रकरणमा छानबिन जारी रहेका बेला पूर्वप्रधानमन्त्री एवं प्रमुख प्रतिपक्षी दल एमालेका अध्यक्ष केपी शर्मा ओलीले करिब ४ सय मान्छे नक्कली भुटानी शरणार्थी बनेर अमेरिका छिरेको सूचना पाएको दाबी गरेका छन् । बिहीबारदेखि सुरु भएको पार्टीको केन्द्रीय कमिटी बैठकलाई सम्बोधन गर्दै ओलीले यो प्रकरण २०१२ देखि सुरु भएको र त्यतिबेला नै गिरोहले करिब ४ सय मान्छेलाई घुसाएर पठाएको सूचना आफूसँग भएको दाबी गरेका हुन् ।

नागरिकलाई नक्कली भुटानी शरणार्थी बनाउने प्रकरणमा संलग्न भएको आरोपमा प्रहरीले पक्राउ पुर्जी जारी भएपछि फरार रहेका एमाले सचिव एंव सांसद टोपबहादुर रायमाझीले आफू बिरामी भएको पत्र संसद् सचिवालयमा पठाएका छन् । निरन्तर १० वटा बैठकमा अनुपस्थित भएमा सांसद पद रिक्त हुने संवैधानिक व्यवस्था छ । उनी पछिल्लो ५ बैठकमा अनुपस्थित छन् ।

पार्टी सचिव एवं अर्घाखाँचीबाट प्रतिनिधिसभामा सदस्य रहेका टोपबहादुर रायमाझी नक्कली भुटानी शरणार्थी प्रकरणमा जोडिएपछि एमालेले तत्कालका लागि 'पर्ख र हेर'को रणनीति अंगीकार गर्ने देखिएको छ । नक्कली भुटानी शरणार्थी प्रकरणमा पार्टीका केन्द्रीय पदाधिकारी नै जोडिए पनि एमालेले तत्काल उनीमाथि कारबाही गर्ने मनस्थिति देखाएको छैन ।

चुनावी घोषणापत्र र सार्वजनिक अभिव्यक्तिमा सुशासनमा जोड दिएका कांग्रेस, एमाले र माओवादीका शीर्ष नेताको नक्कली भुटानी शरणार्थी प्रकरणमा अग्निपरीक्षा सुरु भएको छ ।

सत्तारूढ गठबन्धनमा रहेका दलहरूले राष्ट्रिय स्वतन्त्र पार्टीलाई सरकारमा फर्काउने विषयमा छलफल गर्न प्रधानमन्त्री पुष्पकमल दाहाललाई जिम्मा दिएका छन् । शीर्ष नेताहरूको बुधबारको बैठकले अहिलेकै गठबन्धनलाई निरन्तरता दिँदै रास्वपालाई सरकारमा सहभागी गराउन प्रधानमन्त्री दाहाललाई जिम्मा दिएको हो । तर दाहालले बुधबार नवौं पटक मन्त्रिपरिषद् विस्तार गरेपछि रास्वपालाई फर्काउन थप जटिल हुने देखिएको छ ।

राष्ट्रिय स्वतन्त्र पार्टी(रास्वपा)लाई पुनः सरकारमा ल्याउन प्रधानमन्त्री पुष्पकमल दाहाल सरकारको साझा न्यूनतम कार्यक्रम र प्राथामिकता पुनर्लेखन गर्न तयार भएका छन् । भ्रष्टाचारसम्बन्धी फाइल खोल्ने गरी आयोग बनाउनुपर्ने यसअघिको गठबन्धन सरकारको बुँदा अहिले हटाइएकोमा रास्वपाले असन्तुष्टि जनाएपछि प्रधानमन्त्री दाहाल साझा न्यूनतम कार्यक्रम र प्राथामिकता पुनर्लेखन गर्न तयार भएका हुन् ।

उपनिर्वाचनलगत्तै रास्वपालाई सरकारमा फर्काउने गृहकार्यमा लागेका प्रधानमन्त्री पुष्पकमल दाहाल दलको सर्तप्रति लचिलो देखिएका छन् । आइतबार बालुवाटारमा भएको भेटवार्तामा रास्वपा सभापति रवि लामिछानेले राखेका ४ सर्तप्रति सकारात्मक रहेको जनाउँदै प्रधानमन्त्री दाहालले सत्ता साझेदार शीर्ष नेतासँग संवाद गरेर सहमति खोज्न सकिने बताएका छन् ।

उपनिर्वाचनमा गठबन्धनका उम्मेदवार हराउँदै चितवन–२ र तनहुँ–१ जितेको राष्ट्रिय स्वतन्त्र पार्टी (रास्वपा) लाई उपेक्षा गरेर अघि बढ्न सत्तारूढ ठूला दल दबाबमा परेका छन् ।