अनिश रेग्मी

अनिश रेग्मीका लेखहरु :

जब वंशीघाटको सुकुम्बासी बस्तीमा बाढी पस्यो

गएरातिदेखि परेको पानीले वाग्मतीमा बाढी आउँदा त्रिपुरेश्वरस्थित वंशीघाटमा रहेको सुकुम्बासी बस्ती डुबानमा परेको छ । घरमा पानी पस्दा सामानहरु भिजेका थिए । ओढ्ने, ओच्छ्याउने, भाँडावर्तनलगायतका सामान भिजेका थिए । मानिसहरु बिहानैदेखि घरमा पसेको पानी फाल्न व्यस्त थिए । हेर्नुहोस् तस्बिरमा डुबानमा परेको वंशीघाट सुकुम्बासी बस्ती :

दिनभर गाडी पर्खाइमा काठमाडौं उपत्यका छाड्नेहरु [तस्बिरहरु]

कोरोना भाइरस रोकथाम र नियन्त्रणका लागि बिहीबारदेखि काठमाडौं उपत्यकामा निषेधाज्ञा लगाउने घोषणा भएदेखि नै सर्वसाधारणहरु गाउँघर फर्कने क्रम तीव्र बनेको छ । सोमबार, मंगलबार, बुधबार काठमाडौंको नयाँ बसपार्क, पुरानो बसपार्कमा घर जानेहरुको लाइन झिसमिसेदेखि नै लागेको थियो । एक्कासी जिल्लाहरुमा फर्कने यात्रुको संख्या बढेपछि सवारी साधनले पनि ओसारी नसक्नु देखिन्थे । बुधबार घर हिँडेकाहरु बिहान, दिउँसोसम्ममा हजारौं गए पनि कतिपय नागरिक त बेलुकीसम्मै गाडीको पर्खाइमा बसपार्कमा घुइँचो थियो ।

वायु प्रदूषण बढेपछि यस्तो देखियो उपत्यका (तस्बिरहरु)

मौसम धुम्मिएसँगै काठमाडौंमा सोमबारदेखि वायु प्रदुषणको मात्रा अत्यधिक बढ्न थालेको छ । आईक्यू एअरका अनुसार काठमाडौंको वायुमण्डलमा मंगलबार बिहान एअर क्वालिटी इन्डेक्स (एक्यूआई) ४३७ पुगेको छ । विश्वका ५० सहरमध्ये प्रदूषणका हिसाबले काठमाडौं १ नम्बरमा रहेको देखिएको छ । दोस्रो नम्बरमा किर्गिस्तानको बिस्केक, तेस्रो नम्बरमा पाकिस्तानको कराँची, चौथोमा चीनको उहान, पाँचौमा भियतनाममको हनोइ, छैटौंमा बंगलादेशको ढाका, सातौंमा भारतको मुम्बई छ । प्रदूषणका कारण सोमबारदेखि नै सर्वसाधारणहरुले आँखा पोलेको महसुस गरेका छन् ।

संसद् विघटनविरुद्ध नौमती बाजा घन्काउँदै नागरिक आन्दोलन [तस्बिरहरु]

संसद् विघटनविरुद्ध बृहत् नागरिक आन्दोलनले बुधबार नौमती बाजासहित प्रदर्शन गरेको छ । बुधबार दिउँसो माइतीघर मण्डलामा महिला नौमती समूह र काव्यिक प्रतिरोधसहित प्रदर्शन गरिएको हो । साताव्यापी विरोध कार्यक्रम स्वरुप सोमबार डम्फूसहितको प्रस्तुति थियो ।११ गते आरम्भ भएको कार्यक्रममा विभिन्न सचेत बौद्धिक, लेखक, कवि, कलाकार एवं नागरिकहरुको सहभागिता हुँदै आएको छ ।

कालीमाटी बजारमा कोरोना परीक्षण (तस्बिरहरू)

कालीमाटी तरकारी बजारमा बिहीबार कोरोना परीक्षण गरिएको छ । कोरोना परीक्षण गर्न ६ सय जनाको नमुना संकलन गरिएको हो । काठमाडौं महानगरपालिकाका–१३ का वडाध्यक्ष ध्रुवनारायण मानन्धरका अनुसार २ सय जनाको पीसीआर परीक्षणका लागि र ४ सय जनाको आरडीटी परीक्षणका लागि नमुना संकलन गरिएको छ । यहाँका व्यापारी, ढुवानीकर्ता र सवारी चालकलगायतको परीक्षण भएको उनले बताए ।

ताल्चा ठोकिएको सहर (तस्बिरहरू)

कोभिड– १९ का कारण देश ४८ दिनदेखि लकडाउनमा छ । उद्योग–कलकारखाना ठप्प भए । सटर, पसल अनि कार्यालय बन्दको बन्दै छन् । मानिसहरू घरभित्रै बस्न बाध्य भएका छन् । सहरका ढोकाहरूमा झुन्डिएका यी ताल्चाहरूले पनि लकडाउनको यही पाटोलाई झल्कारहेका छन् । सुरक्षाका लागि लगाइएका यी ताल्चाहरू आफैंमा गतिहीनताको विम्ब पनि बनिरहेछन् ।  

घटेनन् उपत्यका छाड्नेहरु [तस्बिरहरु]

कोरोना भाइरस (कोभिड–१९)को सम्भावित जोखिमबाट बच्‍न उपत्यका छाड्‍नेहरुको संख्या दैनिक बढ्दो छ । महानगरीय ट्राफिक प्रहरी महाशाखाका अनुसार बुधबारयता ५ लाख २६ हजार ७ सय ६४ जनाले उपत्यका छाडिसकेका छन् । महानगरीय ट्राफिक प्रहरी महाशाखा प्रमुख (एसएसपी) भीमप्रसाद ढकालका अनुसार आइतबार बिहान ६ बजेदेखि १० बजेसम्म ५६ हजार ६ सय ४७ जनाले उपत्यका छाडेका छन् । हेर्नुहाेस् तस्बिरहरु: