१७.१२°C काठमाडौं
काठमाडौंमा वायुको गुणस्तर: १६०

अखण्ड उपाध्याय

अखण्ड उपाध्यायका लेखहरु :

चुनावमा मात्र सम्झिइने डोल्पा

आजका दिनसम्म पनि डोल्पा सडक मार्गसँग जोडिएको छैन । जिल्लाका नेताहरू काठमाडौंबाट हेलिकप्टर चढेरै आउँछन् र अर्कोपालि सडक मार्ग हुँदै आउने वाचा गर्छन् । तर ती वाचा कहिल्यै पूरा भएनन् । जिल्लामा भरपर्दो यातायात सुविधा छैन । सडक धरापजस्तै छ, दुर्घटना भइरहन्छ ।

काठमाडौंले नदेखेको डोल्पाको पीडा

नेपाल विद्युत् प्राधिकरणका कार्यकारी निर्देशक कुलमान घिसिङले हालै विद्युत् खपतका लागि घरघरमा इन्डक्सन चुलो अनि सडकभरि इलेक्ट्रिक गाडी हुनुपर्छ भनेका थिए । डोल्पामा भने अझै लगातार दुई–तीन दिन बत्ती गइरहन्छ । साना जलविद्युत् आयोजनाको बिजुलीले डोल्पाका केही स्थानलाई उज्यालो पारे पनि धेरै क्षेत्र सोलारकै भरमा छन् । घिसिङलाई विद्युत् खपत कसरी बढाउने भन्ने चिन्ता भइरहँदा डोल्पामा बिजुली पुग्न नसक्नु विडम्बनापूर्ण छ । अझै शासक वर्गमा देश भनेको काठमाडौं मात्र हो भन्ने बुझाइ छ । नत्र उत्पादित बिजुली भारतलाई सस्तोमा बेच्नुको सट्टा आफ्नै देशका डोल्पाजस्ता दुर्गम जिल्लामा पुर्‍याउनतिर योजनाहरू बन्थे होलान्, दुर्गम गाउँहरूलाई राष्ट्रिय प्रसारण लाइनमा कसरी जोड्ने भन्ने चिन्ता हुन्थ्यो होला ।