आगामी मंसिर ४मा हुने प्रतिनिधिसभा र प्रदेशसभाको निर्वाचनका लागि दलहरूले धमाधम उम्मेदवार सिफारिस गरिरहेका छन् । कार्यकर्ता खुसी बनाउन भन्दै सबैजसो दलहरूले एउटै पदका लागि दर्जनौं उम्मेदवार सिफारिस गरी पठाएका हुन् ।
कांग्रेसको जिल्ला अधिवेशनअन्तर्गत कर्णालीका ८ जिल्लामा शेरबहादुर देउवा पक्षका ६ र रामचन्द्र पौडेल पक्षका २ जना सभापतिमा विजयी भएका छन् । देउवा पक्षबाट डोल्पामा दिपेन्द्रबहादुर शाही, हुम्लामा मोहनविक्रम सिंह, जुम्लामा कर्णबहादुर शाही, सल्यानमा केशबहादुर विष्ट, रुकुम पश्चिममा प्रेमप्रकाश ओली र मुगुमा ऐनबहादुर शाही जिल्ला सभापतिमा विजयी भएका हुन् ।
कर्णालीका ७९ स्थानीय तहमध्ये ५५ स्थानीय तहमा नेपाली कांग्रेसको पालिका स्तरको गाउँ/नगर अधिवेशन सम्पन्न भएको छ । त्यसमध्ये १५ स्थानीय तहमा निर्वाचन भएको हो भने अन्यत्र सर्वसम्मत नेतृत्व चयन भएको छ । अधिवेशनबाट निर्वाचित हुनेहरू अधिकांश युवा छन् ।