प्रकाशकुमार श्रेष्ठ

नेपालमा आर्थिक विकासका लागि थुप्रै प्रयास भएका छन् । २०१३ सालदेखि योजनाबद्ध विकासको प्रयास गरिएको छ भने राजनीतिक परिवर्तन पनि आर्थिक विकास ल्याउने भनेर नै भएको छ । नेपालको संविधान २०७२ ले थुप्रै मौलिक अधिकार, वाक् र आर्थिक स्वतन्त्रता प्रदान गरेको छ ।

नेपालको संविधान (२०७२) अनुसार संघीय संरचनामा २०७४ सालमा तीन तहको सरकारको निर्वाचन भयो । पहिलोचोटि प्रदेश संरचनामा प्रदेशसभाका लागि र नयाँपरिवर्तित संरचनामा स्थानीय तहको निर्वाचन सम्पन्न भए ।