समाजवाद’ लाई हाम्रो सन्दर्भमा प्रजातान्त्रिक समाजवाद अर्थात् लोकतान्त्रिक समाजवाद भनेर बुझिन्छ । के समाजवाद अझै सान्दर्भिक छ ? देशको सबैभन्दा पुरानो समाजवादी पार्टी कांग्रेसमा अझै समाजवादी चरित्र बाँकी छ ? यसरी प्रश्न गर्नेहरू बाहेकले पनि भन्ने गरेका छन्– बीपी कोइरालाको निधनपछि अब समाजवाद कहाँ रहयो र !
हिमालयन एभिएसन कम्पनीको डीसी–३ डकोटा हवाईजहाज १३ नोभेम्बर १९५० (२००७ कात्तिक २८) का दिन ४ः३० बजे पटनाबाट दिल्लीका लागि उड्दै थियो । त्यसभित्र ‘जनक्रान्ति’ को सुप्रिम कमान्ड काउन्सिलका तीन नेताहरू मातृकाप्रसाद कोइराला, बीपी कोइराला र सुवर्णशमशेर बडो गम्भीर मुद्रामा थिए ।
