राजेन्द्र नाथ

कबड्डीमा चुपचाप इतिहास

हल्चोकस्थित सशस्त्र प्रहरीको कभर्डहलमा दशरथ रंगशाला र सातदोबाटोस्थित अन्तर्राष्ट्रिय खेल परिसरमा जस्तो तडकभडक छैन । न दर्शकको हल्ला सुनिन्छ । न त त्यहाँ धेरै मिडियाकर्मी नै पुगेका छन् । खेलाडी शान्त माहोलमा खेलिरहेको दृश्य आकर्षक देखिन्छ । कतिपयलाई थाहा नहुन सक्छ त्यही माहोलभित्र महिला कबड्डीले चुपचाप एउटा इतिहास लेखिसक्यो । अर्को स्वर्णिम इतिहास सन्निकट छ ।

प्रेरणालाई टेनिसमा तीन कांस्य

शनिबारको घमाइलो दिन प्रेरणा कोइरालाको स्मरणमा सधैं ताजा रहनेछ । सातदोबाटोस्थित टेनिस संघको कोर्टमा उनले महिला एकल, मिक्स डबल्स र महिला डबल्समा गरी तीन कांस्य पदक हात पारिन् । नेपाललाई ऐतिहासिक पदक दिलाउँदा दक्षिण एसियाली खेलकुदमा लनटेनिसतर्फ महिला एकलमा पदक जित्ने पहिलो खेलाडीमा दरिइन् प्रेरणा । उनले आफूले जितेका पदक सम्पूर्ण प्रशिक्षक र परिवारलाई समर्पण गर्न चाहेको बताएकी छन् । 

सुटिङ रेन्जमा खेलाडी बेचैन

श्रेया केसीको निसाना बीचमै चुक्यो । हतियार जाम भएर पड्किएन । प्रतिस्पर्धी देशका खेलाडीसँग माग्दा ‘जुरी’ ले हतियारको फेहरिस्त माग्यो । अपर्झटमा त्यो सम्भव थिएन । फाइनल चरण नजिक पुगेकी श्रेया क्वाँ क्वाँ रुन थालिन् । उनको रुवाई एकाध घण्टासम्मै थामिएन । सातदोबाटोस्थित सुटिङ रेन्जमा नेपाली खेलाडीको पुरानो नियति शुक्रबार फेरि दोहोरिएको छ । 

नेपाललाई रजतसहित ६ पदक

अबका केही वर्ष नेपाली टेबलटेनिस युवा स्टार स्यान्टु श्रेष्ठकै वरिपरि घुम्नेछ । १३ औं दक्षिण एसियाली खेलकुदअन्तर्गत शुक्रबार सम्पन्न टेबलटेनिसमा त्यस्तै छनक देखियो । स्यान्टुकै उत्कृष्ट प्रदर्शन मदतले नेपालले एउटा ऐतिहासिक रजतसहित ६ वटा पदक हात पार्‍यो । आफ्नै घरेलु कोर्टमा निकै सुधारिएको खेल प्रदर्शन गरेको नेपालको जितमा स्यान्टुको योगदान रह्यो । प्राय: सबैजसो विधामा उनको उत्कृष्ट प्रदर्शन देखियो ।

राजेन्द्र नाथका लेखहरु :

पेस्तोल नपड्किँदाको पीडा

पदक चुम्दा धेरै खेलाडी रोएको दृश्य स्वभाविक मानिन्छ । ती हर्षमिश्रित आँसु हुन्छन् । खुसी र भावना प्रस्फुटित भइरहेको हुन्छ त्यस्तो रुवाइमा । बुधबार सातदोबाटोस्थित सुटिङ रेञ्जमा सीमा तुलाधर पनि निकै बेर भक्कानिइन् । तर उनको नयनबाट खुसीका होइनन्, दुःखका आँसु एकनास बगिरहेका थिए ।

श्रीलंकासँग नेपाल ६ विकेटले पराजित [अपडेट]

उपकप्तान दीपेन्द्रसिंह ऐरीको अविजित ७२ रन मदतमा श्रीलंकाविरुद्ध नेपालले सम्मानजनक स्कोर बनाए पनि खराब फिल्डिङका कारण पहिलो खेल गुमाएको छ । १३ औं दक्षिण एसियाली खेलकुद (साग) को क्रिकेटमा मंगलबार श्रीलंकाको २३ वर्ष उमेरमुनिको टोलीसँग नेपाल घरेलु मैदानमै चुकेको हो । नेपालले दिएको १ सय ७३ रनको लक्ष्य श्रीलंकाले १९.१ ओभरमा ४ विकेट क्षतिमा पूरा गर्‍यो ।

नेपालको पहिलोपल्ट श्रीलंकाविरुद्ध जित

सन् १९९१ मा पाकिस्तानको इस्लामाबादमा भएको पाँचौं दक्षिण एसियाली खेलकुद प्रतियोगिता (साग) मा टेबलटेनिसबाट ऐतिहासिक स्वर्णपदक भित्र्याउँदा त्यस खेलकी प्रमुख सदस्य थिइन्, गीता क्षेत्री शाह । १३ औं संस्करणमा भने उनी दर्शकदीर्घामा भेटिइन् । जहाँ सोमबार पुरुष टिम इभेन्टमा नेपालले श्रीलंकाविरुद्ध सनसनीपूर्ण जित पाएको छ । 

रेन्ज नयाँ, हतियार पुरानै 

नेपाली उखानै छ, स्यालको सिकार गर्न बाघको खजाना बोक्नुपर्छ । १३ औं दक्षिण एसियाली खेलकुदको सुटिङतर्फ भने त्यसको ठीक उल्टो अवस्था देखिएको छ । लक्ष्य (टार्गेट) मा निसाना साँध्नका लागि नेपाली सुटिङ खेलाडीसँग न स्तरीय गोली छन् न त हतियार । 

आफैंलाई चिनाउने अवसर

खेलकुदमा रुचि नहुनेलाई फेन्सिङको नामै नौलो लाग्न सक्छ । नाम सुन्ने बित्तिकै उनीहरूको दिमागमा त्यसको चित्र नबन्न सक्छ । नाम र खेल्ने ‘टेक्निक’ नयाँ सुनिए/देखिए पनि यो खेलको नेपाल नाता भने पुरानै छ । १३ औं दक्षिण एसियाली खेलकुद (साग) मा आधिकाररिक रूपमा पहिलो सहभागिता जनाइरहेको फेन्सिङको ढोका खुलिसकेको छ । अब नेपाली खेलाडीलाई धेरैको ध्यान आफूतर्फ केन्द्रित गराएर यसको प्रचारप्रसार र उपादेयिता सिद्ध गर्ने मौका मिलेको छ ।