दीपेन्द्र विष्ट

७५ प्रतिशत आयोजनामा काम नाजुक

राष्ट्रिय सतर्कता केन्द्रले मुलुकभर निर्माणाधीनमध्ये ७५ प्रतिशतभन्दा बढी आयोजनाको प्रगति सन्तोषजनक नरहेको जनाएको छ । राष्ट्रिय गौरव र अन्य गरी करिब १०७ वटा निर्माणाधीन आयोजनाको प्राविधिक परीक्षण गरेको केन्द्रले काम गुणस्तर नभएको, कार्यान्वयन गर्ने निकायबीच क्षेत्राधिकार स्पष्ट नरहेको, स्रोत साधनको कमी र नियामक निकायबीच समन्वय कमजोर रहेको औंल्याएको छ ।

याङ्ग्री र लार्केमा सुरुङ खन्न टीबीएम प्रयोग तयारी

मेलम्ची खानेपानी आयोजनाले दोस्रो चरणको कामअन्तर्गत याङ्ग्री र लार्केको सुरुङ खन्न टनेल बोरिङ मेसिन (टीबीएम) प्रयोग गर्ने तयारी गरेको छ । खानेपानी तथा सरसफाइ मन्त्रालयका अनुसार टीबीएम मेसिनबाट सुरुङ खन्दा काम चाँडो हुने भन्दै सम्बद्ध अधिकारीबीच छलफल भइरहेको छ । ‘मेसिन महँगो पर्छ, तर काम चाँडो हुने भएकाले टीबीएम नै प्रयोग गर्न आवश्यक तयारी भइरहेको छ,’ मन्त्रालयका एक अधिकारीले कान्तिपुरसँग भने । 

ओलीका २ वर्ष : वैज्ञानिक भूमिसुधार घोषणामै सीमित

चुनावी घोषणापत्रमा वामगठबन्धनले दुई वर्षभित्र राष्ट्रव्यापी नापी लागू गरी भूमिको अभिलेख अद्यावधिक गराउने र वैज्ञानिक भूमिसुधार लागू गरी भूमिसम्बन्धी सम्पूर्ण समस्या समाधान गर्ने वाचा गरेको थियो । केपी शर्मा ओलीको नेतृत्वमा सरकार बनेका दुई वर्षमा भूउपयोग नीति र भूउपयोग ऐन बन्यो तर वैज्ञानिक भूमिसुधार लागू भएको छैन । 

पालिकाले छुट्याएनन् कृषि क्षेत्र

गत असोजमा कागेश्वरी मनहरा नगरपालिकाले कृषिक्षेत्र घोषणा गर्ने जग्गाधनीलाई विभिन्न छुटसहितको सूचना जारी गर्‍यो । तर, एक जना जग्गाधनीले आफ्नो जमिनलाई कृषिक्षेत्र घोषणा गरिपाऊँ भनी आवेदन दर्ता गराएनन् । ‘कोही पनि आएनन्, नगरपालिकाले सार्वजनिक सूचना नै जारी गर्‍यो,’ कागेश्वरी मनहरा नगरपालिका–२ का वडाध्यक्ष सुदर्शन धिमालले भने, ‘कृषियोग्य जमिन तोक्न कोही पनि आउँदैनन् ।’ 

दीपेन्द्र विष्टका लेखहरु :

चारवटै स्मार्ट सिटीको डीपीआर तयार

सरकारले उपत्यकामा निर्माण गरिने ‘स्मार्ट सिटी’ को विस्तृत आयोजना प्रतिवेदन (डीपीआर) तयार पारेको छ । मनोहराका लागि फिनल्यान्डको हेलन एन्ड कम्पनी र नेपालकै जेके एसोसिएट जेभीले डीपीआर तयार पारेको काठमाडौं उपत्यका विकास प्राधिकरणका प्रमुख आयुक्त भाइकाजी तिवारीले जानकारी दिए ।

गोदावरी सम्मेलन हल अन्तिम चरणमा

ललितपुरको गोदावरीमा ३ हजार क्षमताको सम्मेलन केन्द्र निर्माण अन्तिम चरणमा पुगेको छ । आधुनिक र प्रविधियुक्त यो केन्द्र फागुन अन्तिमसम्ममा बनिसक्ने सहरी विकास मन्त्रालयका एक अधिकारीले बताए । 

अब फेरि इम्बोस्ड नम्बर प्लेट

भौतिक पूर्वाधार तथा यातायात मन्त्रालयले सवारी साधनमा आधुनिक प्रविधियुक्त इम्बोस्ड नम्बर प्लेट जडानलाई निरन्तरता दिने तयारी गरेको छ । सवारी साधनमा इम्बोस्ड नम्बर प्लेट राख्ने कार्य रोक्न माग गर्दै परेको रिट सर्वोच्च अदालतले खारेज गरेपछि पुनः प्लेट जडानको बाटो खुलेको हो ।

अतिक्रमित जग्गा फिर्ता गरिँदै

सरकारले ९ ठाउँको सरकारी तथा सार्वजनिक जग्गा किर्ते गरेर व्यक्तिका नाममा दर्ता गरेकाविरुद्ध कारबाही प्रक्रिया अघि बढाएको छ । यसका लागि चारवटा निकायलाई सरकारले पत्र लेख्ने भएको छ । 

मेलम्ची आयोजना सकियो २२ किमि आरसीसी ढलान

खानेपानी तथा सरसफाइ मन्त्रालयले मेलम्ची खानेपानी आयोजनाको २६ किलोमिटर सुरुङमध्ये २२ किलोमिटरमा आरसीसी ढलानलगायतको संरचना निर्माण कार्य सकिएको जनाएको छ ।