जानुका खतिवडा

जलवायु परिवर्तन, ग्लोबल वार्मिङ, जलवायु संकट या जलवायुसम्बन्धी न्याय अहिलेका विश्व प्रचलित शब्दहरू हुन् । यिनै शब्दको वरिपरि रहेर वैज्ञानिक समुदाय, सरकारी तथा गैरसरकारी संस्था, कर्पोरेट र व्यक्तिहरू अनुसन्धानमा छन् । उनीहरू विविध कार्यक्रम बनाउँछन्, वकालत गर्छन् र कार्यान्वयनका लागि जुट्छन् ।

गत अप्रिल ७ अर्थात् चैत २७ का दिन ‘आईक्यू एअर’ ले मापन गरेको प्रत्यक्ष अपडेटअनुसार नेपाल विश्वका सहरहरूमध्ये सबैभन्दा प्रदूषित सहरमा सूचीकृत भयो । जुन केही दशकयता जलवायुमा आएको परिवर्तनको परिणाम हो । यसको भागीदार केही हदसम्म नेपाल आफैं छ भने केही हदसम्म अरू देश । परिणामले मानव स्वास्थ्य, पर्यावरण र सम्पूर्ण जीवित प्रजातिमा पर्ने असर त विकराल नै छ ।