फातिमा बानु

फातिमा बानुका लेखहरु :

टेकुमा कोभिड बाहेकका बिरामी पनि

कोरोना महामारीसँगै संक्रमितको उपचारमा मात्रै सीमित टेकुस्थित सहिद शुक्रराज ट्रपिकल तथा सरुवा रोग अस्पतालले अन्य रोगका बिरामी पनि जाँच्न थालेको छ । पुस २२ मा स्वास्थ्य तथा जनसंख्या मन्त्रालयले देशभरका सबै अस्पताललाई ननकोभिडका सेवा नियमित गर्न निर्देशन दिएपछि टेकुले एक वर्षपछि अन्य बिरामीका लागि पनि सेवा खुला गरेको हो ।

सन्तानबाटै अपहेलित ज्येष्ठ नागरिक

मोरङको विराटनगर घर भएका ८९ वर्षीय षडानन्द सापकोटा तीनकुनेस्थित निःसहाय सेवा सदन बस्न थालेको सात वर्ष भयो । तागत छँदा खेतीकिसानी गरेरै विराटनगरमा चार कट्ठा जग्गा किने । सानो घर बनाएर पुर्ख्यौली थलो संखुवासभाबाट बसाइँ झरे । भारतको असम र पहाडतिर छरिएका छोराबुहारीलाई एक ठाउँ बनाएका उनी बुढेसकालमा भने एक्लिएका छन् । 

कोरोनाले मनोरोगी

मिर्गौलाको डायलसिस गरिरहेका ललितपुरवासी ४४ वर्षीय व्यक्तिलाई कोरोना संक्रमण भयो । उनीबाट श्रीमतीलाई पनि संक्रमण सर्‍यो । ‘कडा रोगीलाई कोरोना भइहाल्यो भने मृत्यु नै हुन्छ’ भनेर सुन्दै आएका उनलाई आत्महत्याको सोच आउन थाल्यो ।

शल्यक्रिया सेवा नियमित

कोरोना महामारीका कारण सरकारी अस्पतालमा रोकिएका शल्यक्रिया सेवा नियमित हुन थालेका छन् । शल्यक्रिया गर्दा बिरामी, चिकित्सक र स्वास्थ्यकर्मीलाई संक्रमणको उच्च जोखिम हुने भन्दै गत चैतदेखि आकस्मिकबाहेक सबै शल्यक्रिया रोकिएका थिए ।

कहिले सुरु हुन्छ मिर्गौला प्रत्यारोपण ?

कोरोना महामारीका कारण ठप्प भएको मिर्गौला प्रत्यारोपण सेवा अझै सुरु हुन सकेको छैन । संक्रमणका कारण सरकारी अस्पतालमा बन्द गरिएका अन्य उपचार सेवा क्रमशः सञ्चालनमा आए पनि मिर्गौला प्रत्यारोपण सेवा फेरि सुरु हुनेमा अन्योल छ ।

अस्पतालमा बिरामीको चाप बढ्दै

कोरोना संक्रमण दर घट्दै गएपछि अस्पतालहरूमा अन्य रोगका बिरामीको चाप बढिरहेको छ । यसअघि ओपीडी सेवा खुला भए पनि महामारीका कारण गैरकोरोनाका बिरामी उपचारबाट वञ्चित भइरहेका थिए ।

कोरोनाले बढाउँदै निमोनियाका बिरामी

अधिकांश कोरोना संक्रमितलाई ज्वरो आउने, खोकी लाग्ने, सास फेर्न हल्का गाह्रो हुने सामान्य लक्षण देखिन्छ । मधुमेह, श्वासप्रश्वास, मुटु र मिर्गौलाजस्ता जटिल प्रकारका रोगीमा भने कोरोना भाइरसले फोक्सोको संक्रमण गराइदिने भएकाले यस्ता अधिकांश बिरामीलाई निमोनिया हुने गरेको चिकित्सक बताउँछन् ।

कोरोना संक्रमितलाई ‘पोस्ट कोभिड’ समस्या

कोरोना संक्रमण निको भएकालाई पनि विभिन्न स्वास्थ्य समस्या देखिन थालेको छ । जसका कारण लक्षणसहित थला परेका बिरामी चिन्तामा छन् । यस्तै एक उदाहरण हुन्, काठमाडौंका ३६ वर्षीय एक चिकित्सक । बिरामीको उपचारमा खटिँदा एक महिनाअघि उनी संक्रमित भए । ज्वरो आउने, पखाला लाग्ने, छाती दुख्ने समस्याले २० दिन थला परे । अहिले उनी भाइरसमुक्त भइसके तर पहिलेभन्दा फरकखाले समस्याले उनलाई सताइरहेको छ ।

जसले सेवा गर्दागर्दै ज्यान गुमाए 

कोरोना भाइरस संक्रमणका कारण दुई साताअघि वरिष्ठ मुटुरोग विशेषज्ञ डा. सुनीलचन्द्र झा र बाल शल्यचिकित्सक डा. नारायणबहादुर थापाको कोरोना संक्रमणले मृत्यु भयो । ६२ वर्षीय डा. झा त्रिवि चिकित्साशास्त्र अध्ययन संस्थान (आईओएम) का प्राध्यापक थिए ।

वीर अस्पतालका स्वास्थ्यकर्मी एक महिनादेखि आन्दोलनमा

गुणस्तरीय सुरक्षा सामग्री, तलब र जोखिम भत्ताको माग राखेर वीर अस्पतालका स्वास्थ्यकर्मी एक महिनादेखि आन्दोलनमा छन् । न्याम्सअन्तर्गत खटिएका खासगरी ज्यालादारी र करार सेवाका स्वास्थ्यकर्मीले अघिल्लो वर्षदेखि तलब पाएका छैनन् ।