२३.१२°C काठमाडौं
काठमाडौंमा वायुको गुणस्तर: १९३

केशव थापा

केशव थापाका लेखहरु :

सांकेतिक भाषाको दिवस मनाइयो

सांकेतिक भाषाहरुको अन्तर्राष्ट्रिय दिवस तथा बहिरा सप्ताह २०८० का अवसरमा बहिरा नागरिकहरुको पहिचान र अधिकारका लागि जनचेतनामूलक र्‍याली निकालिएको छ । यही अवसरमा राष्ट्रिय बहिरा महासंघ नेपालले शनिबार ‘सांकेतिक भाषाहरुको दिवस २०८०’ मनाएको हो । ‘संसार जहाँ बहिरा नागरिकहरुले जहिले पनि संकेत गर्न सक्छन्’, भन्ने मूल नाराका साथ शनिबार दिवस मनाइएको हो । भृकुटिमण्डपदेखि सुरु भएको र्‍याली रत्नपार्क परिक्रमा गरी भृकुटिमण्डपमै आएर कोणसभामा टुंगिएको थियो । महिला, बालबालिका तथा जेष्ठ नागरिकमन्त्री सुरेन्द्रराज आर्चायले र्‍यालीको उद्घाटन गरेका थिए ।

सकसमा हुम्ला

कर्णाली प्रदेशको सुन्दर हिमाली जिल्ला हुम्लामा दुःखका प्रशस्तै कथा छन् । हुम्ला नाममाथि छन्– अनेक किंवदन्ती । एउटा किंवदन्तीले भन्छ– यहाँको प्रसिद्ध तीर्थस्थल खार्पुनाथमा प्राचीनकालमा कोटिहोम लगाइएको थियो, होम अर्थात् होमंला अपभ्रंश भई हुम्ला रह्यो । अर्को भनाइ छ– हुल्म लङरिङ (साँघुरो नदी) अपभ्रंश भएर हुम्ला भयो । यो पनि भनिन्छ– तिब्बतका हुण जातिहरु यही बाटो हुँदै ल्हा भञ्ज्याङ काटेर तिब्बत क्षेत्र प्रवेश गरेका हुन् र हुण–ल्हाबाट हुम्ला भएको हो ।

जितको खुसी

नेपालले एसीसी प्रिमियर कप क्रिकेटको उपाधि जितेको छ । फाइनलमा नेपालले यूएईलाई ७ विकेटले हराउँदै उपाधि उचालेको हो । यो जितसँगै टिम नेपाल र दर्शक तथा समर्थकहरूमा खुसी छाएको छ । टिम नेपालले खेल सकिएपछि दर्शकसँग खुसी साटेका छन् । नेपाल सेप्टेम्बरमा पाकिस्तानले आयोजना गर्ने एसिया कपमा छनोट भएको छ । मंगलबार कीर्तिपुरस्थित त्रिवि क्रिकेट मैदानमा यूएईले ३३.१ ओभरमा सबै विकेट गुमाएर नेपाललाई १ सय १८ रनको लक्ष्य दिएको थियो ।

फाइनल खेलको दोस्रो दिन पनि दर्शकको ओइरो

वर्षाका कारण रोकिएको नेपाल र युएईबीचको फाइनल खेल हेर्न दोस्रो दिन पनि कीर्तिपुरमा दर्शक ओइरिएका छन् । त्रिवि क्रिकेट मैदानमा आज बिहान ९ बजेदेखि एसीसी प्रिमियर कप अन्तर्गत युएई र नेपालबीच फाइनल खेल सुरू भएको हो । सोमबार पानी परिरहँदा समेत दर्शक र समर्थकहरू खेलको प्रतीक्षामा छाता र रेनकोट आढेर खेलको प्रतीक्षामा थिए ।

जूनको साहस

‘जून र हजारौं ताराहरूको बीचमा एक्ली ।’ नृत्य नाटक ‘जून’ की मुख्य पात्रको यो संवादले उनी कमजोर छिन् भन्ने अनुभूति दिन्छ । तर, नाटक पूरा हेरिसकेपछि भने उनको भूमिका ठीकविपरीत देखिन्छ । उनी जति एक्ली छिन्, उति साहसी र आँटिली पनि । उनको बहादुरीको पहिलो स्रोत नै समाजमा रहेका गलत प्रवृत्ति र आफूमाथिको अन्यायविरुद्ध आवाज उठाउनु हो । बेथितिमाथि प्रश्न गर्न सक्नु हो । जून, अन्याय चिर्न उज्यालोको झिल्को लिएर मण्डला थिएटरमा उदाएकी छन् ।

स्वयम्भूबाट नयाँ वर्षको स्वागत

आज वैशाख १, अर्थात् नयाँ वर्षको पहिलो दिन । विभिन्न स्थानमा भेला भएर मानिसहरूले नयाँ वर्षलाई स्वागत गरेका छन् । यस क्रममा राजधानीको स्वयम्भूमा पनि नयाँ वर्ष मनाउनेहरूको भीड लागेको छ । शुक्रबार दिउँसो ठूलो संख्यामा युवाहरू भेला भएर स्वयम्भू स्तुपा परिसरका विभिन्न गतिविधिमा संलग्न थिए ।

सुकुम्बासी पुन: आन्दोलित

स्थायी विकल्पसहितको बसोबासको माग गर्दै काठमाडौंमा शुक्रबार भूमिहीन तथा सुकुम्बासीहरु आन्दोलित भएका छन् । संयुक्त राष्ट्रिय सुकुम्बासी मोर्चा नेपालको आयोजनामा माइतीघर मण्डलबाट नयाँ बानेश्वरसम्म भूमिहिन सुकुम्बासीले विरोध र्‍याली आयोजना गरेका हुन् । अव्यवस्थित बसोबासीको हकअधिकार सुनिश्चित गर्न राज्य र सम्बन्धित निकायलाई दबाब दिन उनीहरुले धर्नाको कार्यक्रम गरेका हुन् । उनीहरुले भूमि अभियान्तामाथि लगाइएका झूटा मुद्दा तत्काल फिर्ता गर्न सरकारसँग माग गरेका छन् ।

निर्मला कुर्मीको न्यायका लागि लालटिन बालेर प्रदर्शन

नेपालगन्ज उपमहानगरपालिका–१७ परस्पुरकी निर्मला कुर्मीलाई बेपत्ता बनाइएको घटना छानबिन गर्न सरकारले चासो नदेखाएको भन्दै अधिकारकर्मीहरूले लालटिन बालेर विरोध प्रदर्शन गरेका छन् । अपहरण तथा शरीर बन्धक बनाई हत्या गरिएकी कुर्मीको न्यायका लागि आइतबार माइतीघर मण्डलमा लालटिन बालेर अधिकारकर्मीहरूले शान्तिपूर्ण विरोध प्रदर्शन गरेका हुन् ।

भारतविरुद्ध बंगलादेशको ऐतिहासिक जित [तस्बिरहरू]

साफ महिला च्याम्पियनसिप २०२२ मा मंगलबार बंगलादेशले भारतविरुद्ध ऐतिहासिक जित हासिल गरेको छ । दशरथ रंगशालामा भएको समूह ए को अन्तिम खेलमा बंगलादेशले भारतलाई ३–० ले हरायो ।

यी हुन् मिस नेपालका उत्कृष्ट २४ प्रतिस्पर्धी [तस्बिरहरू]

यस वर्ष पनि मिस नेपालको ताजका लागि युवतीहरू प्रतिस्पर्धामा छन् । आयोजक हिडेन ट्रेजरले २४ जना उत्कृष्ट प्रतिस्पर्धी चयन गरिसकेको छ । तिनै प्रतिस्पर्धीहरू पछिल्लो समय लाजिम्पाटस्थित र्‍याडिसन होटेलमा पुगेका छन् । जहाँ उनीहरू स्वीमसुट राउण्डअन्तर्गत र्‍याडिसन होटेलको स्वीमिङ पुल पुगेका हुन् । यसअघि उनीहरूले थापाथलीस्थित कान्तिपुर मिडिया ग्रुपको कार्यालय पनि अवलोकन गरिसकेका छन् ।