नेपालमा रहेको नीतिहरु सबै खराब छन् भन्न सकिदैन । नीतिमा भएको खराब पक्षहरु पहिचान गरि हटाउ । तीनलाई कार्यान्वयमा नलगौं । नीतिमा भएका राम्रा पक्षलाई प्रभावकारी रुपमा कार्यान्वयनमा लैजाउ र नराम्रा पक्षहरुलाई सुधार गर्दै जाउ ।
नेपालको संविधानले सार्वजनिक प्रशासन स्वच्छ, सक्षम, निष्पक्ष, पारदर्शी तथा भ्रष्टाचारमुक्त रहने परिकल्पना गरेको छ । तर सार्वजनिक, निजी, सरकारी, सामुदायिक तथा गैरसरकारी क्षेत्रमा हुने भ्रष्टाचारजन्य कार्यका कारण देशमा गरिबी र सामाजिक अन्याय बढ्दै गएको छ । नीतिगत भ्रष्टाचारका कारण देशले अर्बौं राजस्व गुमाइरहेको र देशको दिगो विकासमा प्रतिकूल असर परिरहेको छ । एसिया महादेशमा नेपाल उच्च भ्रष्टाचार भएको देशमा गनिन पुगेको छ । फलस्वरूप नेपाल विकास–निर्माण तथा आर्थिक सबलीकरणमा छिमेकी देशहरूभन्दा निकै पछाडि छ ।
