सरोज जीसी

विश्वको उच्च शिक्षामा विशेष चासो राख्ने ब्रिटिस म्यागजिन, टाइम्स हायर एजुकेसनले वर्षैपिच्छे गर्ने विश्वविद्यालयहरूको र्‍याकिङ्गलगायतका अन्य नापतौलका अभ्यासलाई लिएर हाम्रा विश्वविद्यालयको गुणस्तर र भविष्यबारे टीकाटिप्पणी, विचारविमर्श भइरहन्छन् । अर्कातिर केही सरोकारवालाले विश्वविद्यालयले समयमा परीक्षा गराई त्यसको नतिजा प्रकाशनलाई नियमित गर्दा पनि विद्यार्थीले राहत पाउने जिकिर गर्छन् । परीक्षा समयमा गराउनु र नतिजा निकाल्नु विश्वविद्यालयका अति नियमित कार्यभित्र पर्छन् भने प्राज्ञिक उन्नयन र गुणस्तर कायम गर्न यसभन्दा ठूला र जटिल खुड्किला पार गर्नुपर्ने हुन्छ ।