हामी जति पनि कमाउँछौँ, त्यसको ९८/९९ प्रतिशत त खानेकुरा, लगाउने कुरा र सवारी साधनमै खर्च गरिरहेका छौँ । हामीले विभिन्न परिश्रमबाट आर्जन गरेको कमाइ नै अन्धाधुन्ध खर्च गरिरहेका छौँ । दु:ख गरेर कमाएको खर्च गर्नलाई हामी सावधान त हुन पर्यो नि । कस्तो सामग्रीमा हामीले खर्च गरिरहेका छौँ ?
मान्छेको सबैभन्दा ठूलो रुचिको विषय के हो ? मसँग सटीक जवाफ छ– एउटा मान्छेको सबैभन्दा रुचिको विषय ‘अर्को मान्छे’ हो । अर्को मान्छेले के सोच्छ ? अर्को मान्छेले के लीला गर्छ ? अर्को मान्छेले के अभिव्यक्त गर्छ ? अर्को मान्छेलाई मैले के भन्न सक्छु ? र, अर्को मान्छेबाट मैले के जान्न सक्छु ? मान्छेहरूको चासो यिनै विषयमा हुन्छन् । त्यसैले मेरो बुझाइमा मान्छेको सबैभन्दा ठूलो रुचि अर्को मान्छे नै हो ।