काठमाडौं जिल्ला अदालतका एक न्यायाधीश र कानुन व्यवसायीबीचको अडियो वार्तालाप हालै बाहिरिएपछि न्यायपालिकामा पनि भ्रष्टाचार हुने गर्दो रहेछ भन्नेबारे गहिरा विचारहरू सतहमा आएका छन् ।
न्यायपालिका अहिले इतिहासमै फरक ढंगले अघि बढिरहेको छ । केही महिनाअघि, न्यायपालिकाद्वारा सम्पादित कार्यहरूको आफ्नै ढंगले मूल्यांकन र विश्लेषण गरेर, चौतर्फी रूपबाट आएका विचार र टिप्पणीका आधारमा न्यायाधीशहरू अवज्ञामा र कानुन व्यवसायीहरू आन्दोलनमा उत्रिए ।
प्रतिनिधिसभाको दोस्रो विघटनउपरको रिट निवेदनको सुनुवाइको पहिलो दिन एक जना न्यायाधीशबाट ऋषिराम कट्टेलको उत्प्रेषण परमादेश मुद्दामा पार्टी विभाजन गरी पुरानै अवस्थामा फर्काइदिने गरी भएको आदेशले उनी र तेस्रो दिन सो आदेशउपरको पुनरवलोकनको निवेदनमा पूर्ण इजलासबाट अनुमतिको निस्सा नदिइएकाले अर्को न्यायाधीशसमेत उक्त मुद्दाको सुनुवाइमा संलग्न हुन नहुने भनी निवेदकतर्फका कानुन व्यवसायीहरूबाट प्रश्न उठाइयो ।