श्री ३ रणेद्दीपको हत्या भएपछि जंगबहादुरका भाइ धीरशमशेरका जेठा छोरा वीरशमशेर नेपालको प्रधानमन्त्री भए, जो आफ्नो जीवनको युवावस्थाबाटै संगीतका विशेष सौखिन थिए । जंगबहादुरको प्रधानमन्त्रीत्वकालमा उनी कोलकातामा वाणिज्यदूत (वकिल) का रूपमा खटिएका थिए, जसको थोरै मात्र काम हुने र अत्यधिक समय फुर्सदिलो हुने कारण उनी संगीत रसस्वादनका लागि बराबर बाइजी तथा कस्वीहरूकहाँ जाने गर्थे ।