मनसुन सुरु भइदिएको भए पहाडी क्षेत्रमा यतिबेला किसानलाई धान रोपाइँको चटारो हुन्थ्यो । बारीमा मकैभित्र कोदो रोप्न भ्याइनभ्याइ (माचो) उत्तिकै हुन्थ्यो । तर यतिबेला लामो समयदेखि पानी परेको छैन । खडेरी र तापक्रम वृद्धिका कारण विभिन्न जिल्लामा बर्खे बाली सुक्न थालेको छ । एकातिर घोगा लाग्ने बेलाको मकै सुक्न थालेको छ, अर्कातिर धानको ब्याडसमेत सुक्न थालेको छ । खेतीमा व्यस्त हुनुपर्ने बेलामा भइरहेको मौसमी प्रतिकूलताले किसान चिन्तित छन् ।
कोभिड कहरका बेला गण्डकी प्रदेशका विभिन्न अस्पतालमा जडान गरिएका आईसीयू कक्ष, अक्सिजन प्लान्ट र प्रदेश सरकारको सहयोगमा खरिद गरिएका भेन्टिलेटरलगायत उपकरण जनशक्ति अभावले थन्किएका छन् ।
अघिल्ला निर्वाचनमा मनोनयन दर्ता लगत्तैका र्याली, माइकिङ, आमसभा र भोजभतेरले चुनावी माहौल बनाउँथ्यो । तर यसपटक मतदानको १९ दिन अघिसम्म राजनीतिक दल र उम्मेदवारले आमसभा, कोणसभा गर्न नपाउने निर्वाचन आचारसंहितापछि रौनक खासै देखिएको छैन । निर्वाचन आयोगको निर्णयले राजनीतिक दल र उम्मेदवार प्रचार प्रसारमा खुम्चिनु परेको हो ।
बागी उम्मेदवारी दिएका गण्डकी प्रदेशका उम्मेदवारले बुधबार उम्मेदवारी फिर्ता लिएका छन् ।बागलुङ (१) बाट प्रतिनिधिसभा सदस्यमा उम्मेदवार बनेका राष्ट्रिय जनमोर्चाका अध्यक्ष चित्रबहादुर केसीविरुद्धका बागीले उम्मेदवारी फिर्ता लिएका छन् ।
स्थानीय तह निर्वाचनका लागि गण्डकी प्रदेशका सबैजसो स्थानीय तहका मतदान केन्द्रमा खटिने कर्मचारी निर्वाचन सामग्रीसहित मंगलबार त्यसतर्फ लागेका छन् । मतपेटिका, परिचयपत्र, स्वस्तिक चिह्नलगायत सामग्रीसहित मतदात अधिकृतको नेतृत्वमा कर्मचारी र सुरक्षाकर्मी खटाइएको जिल्लास्थित निर्वाचन कार्यालयहरूले जनाएका छन् ।
यस पटकको स्थानीय तहको निर्वाचनमा केही मतदाता नयाँ अनुहारका छन । पहिलो पटक मतदानमा सहभागी हुन लागेका युवाले स्थानीय तहको चुनाव सफल भए देश विकसित हुने र रोजगारीको अवसर सिर्जना हुने आशा गरेका छन् । उम्मेदवारको समाजसेवामा सक्रियता हेरेर भोट दिने पक्षमा उनीहरू छन् ।
स्थानीय तहको निर्वाचनका लागि उम्मेदवारी मनोनयन गर्ने अन्तिम दिन सोमबार गण्डकी प्रदेशका पालिकामा हर्षोल्लाससाथ उम्मेदवारी दर्ता भएको छ । पहिलो दिन आइतबार केही साना दल र स्वतन्त्रबाट उम्मेदवारी दिए पनि मुख्य दल र अन्यले सोमबार मात्रै उम्मेदवारी दर्ता गराएका थिए ।
स्थानीय तहको निर्वाचनलाई लिएर कास्कीमा गठबन्धनका पाँच दलबीच दिनदिनैजसो बैठक हुन्छ । उम्मेदवारी मनोनयनको मिति नजिकिँदै जाँदा पाँच स्थानीय तह रहेको कास्कीका गठबन्धनलाई भागबन्डा मिलाउनै गाह्रो देखिएको छ ।
कांग्रेसको १४ औं महाधिवेशनअन्तर्गत विभिन्न जिल्लामा प्रदेशसभा निर्वाचन क्षेत्रीय अधिवेशनको परिणाम आउने क्रम जारी छ । परिणामअनुसार कतै संस्थापन त कतै संस्थापनइतर (पौडेल पक्ष) हाबी देखिएका छन् । कुनै जिल्लामा मिश्रित परिणाम आएका छन् । केही जिल्लामा मतगणना भइरहेको छ । शनिबार साँझसम्म कास्की, तनहुँ, स्याङ्जा, म्याग्दी जिल्लाका सबै परिणाम आइसकेको छ ।
गोरखा, बारपाक केन्द्रबिन्दु भएर २०७२ वैशाखमा गएको भूकम्पबाट कम प्रभावित भएपनि गण्डकी प्रदेशका विभिन्न जिल्लामा निजी घर निर्माण भने अझै सकिएको छैन । सुरुमा पुनर्निर्माण प्राधिकरणले प्राविधिक नपठाउँदा जगै हाल्न ढिला भयो । कतिपय बनाइसकेका घरको मापदण्ड नपुगेको भन्दै भुक्तानी रोकिएको छ । घर पुनर्निर्माणका लागि सरकारले ३ किस्तामा गरी ३ लाख रुपैयाँ अनुदान दिएको हो ।
