रामीडाँडा सिर्पाचौर हरियो वन पनिमेराई जति मान्दो रैछ साई तिम्रो मन पनिजाजरकोटको बाराकोट केन्द्रबिन्दु बनाएर कात्तिक १७ मा गएको भूकम्पका कारण १५४ ले ज्यान गुमाए, जसमा रुकुम पश्चिमका पनि परे । राति मस्त सुतेका मानिसले अकालमा ज्यान गुमाए । दुवै जिल्लाका गरी ६० भन्दा बढी बालबालिकाको दुःखद निधन भयो । टेलिभिजनका पर्दामा देखिएको दाहसंस्कारको चापले २०७२ को भूकम्पको विनाश सम्झायो ।
आदिम संस्कृति र मौलिक पहिचान भएको देउडाले सिंगो नेपाललाई सांगीतिक उज्यालो दिइरहेको छ, केवल काली–कर्णाली क्षेत्रलाई होइन । वर्षैभरि गाइने अनेक यामका देउडा गीत थुप्रै गायक–गायिकाले गाइरहेकै छन् । मैले २०३४ सालदेखि नै रेडियो नेपालमा देउडा गाउँदै र यसको प्रचार गर्दै आएको छु । अहिले त थुप्रै देउडा गायक–गायिकाको आगमन भइसकेको छ । खासमा सुदूरपश्चिम र कर्णाली प्रदेशको सांस्कृतिक–सांगीतिक क्रान्ति देउडा गीतबाटै भएको हो । यसको परिणाम अहिले देउडा संगीत–संस्कृतिको धरातल अझै फराकिलो बन्दै छ ।
