शंकर शर्मा

नेपाल-भारतका प्रधानमन्त्रीले एकअर्काको देशमा भ्रमण गरेपछि द्विपक्षीय सम्बन्धमा पक्कै पनि सुधार आएको छ । यसका साथै विभिन्न तहमा छलफलको वातावरण पनि बनेको छ । त्यो केबल सरकार-सरकारको तहमा मात्रै नभएर कर्मचारी र विद्वत् वर्गमा पनि त्यो छलफलले निरन्तरता पाएको छ ।

मिलेनियम च्यालेन्ज कर्पोरेसन (एमसीसी) नेपालको आर्थिक वृद्धिका लागि आएको कार्यक्रम भए पनि यसबारे जनस्तरमा केही प्रश्न उठिरहेका छन् । यो परियोजनाको विश्लेषण गर्दा यसको प्राविधिक पक्ष, दुइ देशबीच हुने सम्झौताका अन्तर्राष्ट्रिय आयाम, नेपालले विगतमा गरेका सम्झौताहरू, देशमा ऋणभार बढ्दै गएको सन्दर्भमा अनुदानको महत्त्व, देशको विकासको प्राथमिकता तथा मित्रराष्ट्रबीचको संवेदनशीलतालाई समेत ध्यान दिनु उपयुक्त हुने देखिन्छ ।