भारत सरकारले कोरोना भाइरस (कोभिड–१९) को संक्रमण तीव्र रूपमा बढ्दै गए पनि कन्टेनमेन क्षेत्रबाहेकका स्थानमा आर्थिक गतिविधि सामान्य बनाउने भएको छ । गृह मन्त्रालयले लकडाउन थप खुकुलो पार्दै जाने नीतिअनुसार शनिबार नयाँ दिग्दर्शन जारी गरेको छ । नयाँ दिग्दर्शनमा सरकारले भाइरसविरुद्धको लडाइँसँगै अर्थतन्त्रलाई पनि अघि बढाउने नीति अख्तियार गरेको देखिन्छ ।
भारतले सकारात्मक पहल गरिए मात्र सीमा सम्बन्धमा नेपालसँग वार्ता गर्ने बताएको छ । भारतको विदेश मन्त्रालयद्वारा आयोजित नियमित पत्रकार सम्मेलनमा प्रवक्ता अनुराग श्रीवास्तवले सीमालाई लिएर भारत र नेपालबीच देखिएको पछिल्लो तनावका सम्बन्धमा वार्ताका लागि रचनात्मक र सकारात्मक पहल चाहिने बताएका हुन् ।
कोरोना भाइरस (कोभिड–१९) को महामारीले त्रसित बनाइरहेका भारतमा सलहले थप त्रास बढाएको छ । अफ्रिकी मुलुकबाट इरान र पाकिस्तान हुँदै भारत भित्रिएको सलह फट्यांग्रा प्रजातिअन्तर्गतको कीरा हो ।
नेपाल र भारतबीच मित्रवत् सम्बन्धका पक्षधर तथा नेपालका शुभेच्छुकले सीमा विवादका कारण दुई मुलुकबीच पछिल्लो समय बढेको तनावलाई लिएर चिन्ता व्यक्त गरेका छन् । उनीहरुले भारतलाई नेपालसँगको आर्थिक, सामाजिक र सांस्कृतिक सम्बन्ध ख्याल गर्दै अन्य मुलुकसँग जस्तो भाषा प्रयोग नगर्नसमेत आग्रह गरेका छन् ।
मुख्य बाली सिजनलाई मगाएको रासायनिक मल भारतको गुजरात र कोलकातामा रोकिएको छ । लकडाउनका कारण मजदुर अभाव भएपछि करिब दुई महिनादेखि मल रोकिएको कृषि तथा पशुपन्छी विकास मन्त्रालयले जनाएको छ । ‘साउनसम्म युरिया करिब १ लाख र डीएपी मल ४० हजार टन चाहिन्छ । हामीसँग युरिया २३ हजार र डीएपी २९ हजार टनमात्रै मौज्दात छ,’ मन्त्रालयका एक अधिकारीले भने, ‘आयात गर्न प्रक्रिया पूरा भइसकेको मल भारतमै रोकियो ।’
भारतीय राष्ट्रिय कांग्रेसका पूर्वअध्यक्ष तथा नेता राहुल गान्धीले नेपाल र भारतबीच पछिल्लो समय देखिएको सीमा विवादबारे नरेन्द्र मोदी सरकारले पारदर्शी ढंगले जानकारी नदिएको भन्दै असन्तुष्टि व्यक्त गरेका छन् ।
भारतमा कोरोना भाइरस (कोभिड–१९) को संक्रमणको त्रासकै बीच पनि जनजीवन सामान्यतर्फ उन्मुख हुँदै गएको छ । मंगलबार बिहानसम्म संक्रमितको संख्या करिब एक लाख ४५ हजार पुगिसकेको छ । ४ हजारभन्दा बढीले ज्यान गुमाइसकेका छन् । पछिल्ला केही दिनयता संक्रमणमा तीव्र वृद्धि भइरहेको छ ।
कोरोना संक्रमण तीव्र रूपमा फैलिरहे पनि भारतमा करिब दुई महिनायता बन्द रहेको आन्तरिक हवाई सेवा सोमबारदेखि नियमित गरिएको छ । तर, पश्चिम बंगाल र आन्ध्र प्रदेश राज्यले केही दिनपछि मात्र उडान खुला गर्ने भएका छन् ।
भारतको दिल्ली राज्य सरकारले बिहीबार निकालेको एउटा विज्ञापनमा सिक्किमलाई नेपाल र भुटानजस्तै बेग्लै मुलुकका रुपमा उल्लेख गरिएको विषयलाई लिएर बबाल मच्चिएको छ । दिल्ली सरकारअन्तर्गत सिभिल डिफेन्स कर्पले स्वयंसेवकका लागि विज्ञापन गरेको थियो ।
दुई साताअघि भारतीय सेना प्रमुख मनोज मुकुन्द नरवणेले चीनतर्फ संकेत गर्दै ‘सीमा सम्बन्धमा नेपालले अरू कसैको इसारामा विरोध गरिरहेको’ अभिव्यक्ति दिएपछि चिसिएको नेपाल–भारत सम्बन्धको आयाममा शनिबार दिल्ली संस्करणमा प्रकाशित प्रमुख अंग्रेजी पत्रपत्रिकाले दुई देशबीच संवादको अपरिहार्यता झल्काएर नयाँ प्राण भरिदिएका छन् ।
