चार दशकयता राष्ट्रिय राजमार्गको निर्माणपछि जिल्ला सदरमुकामहरू जोड्ने ‘फिडर’ सडकहरूको निर्माणले गति लियो । सन् १९८० को दशकदेखि जिल्ला सडकहरूको निर्माण सुरू भयो । १९७७ मा स्थानीय विकास निर्माण समितिको गठनसँगै केही ग्रामीण सडक बन्न सुरू भइसकेको थियो । १९९० को दशकदेखि जिल्ला विकास समिति र गाउँ विकास समितिजस्ता स्थानीय निकाय, सडक विभाग र स्थानीय विकास मन्त्रालयले ग्रामीण सडकहरूको निर्माण सुरू गर्यो ।
