राप्ती सोनारी गाउँपालिका–८ मा स्वाब संकलनको विषयलाई लिएर विवाद बढेपछि कोरोना जाँचका लागि स्वाब संकलनको काम रोकिएको छ । वडाध्यक्षसहित ७ जना कोरोना संक्रमित भेटिएपछि स्थानीयले गाउँभरिका सबैको स्वाब जाँच गर्नुपर्ने माग गरेपछि विवाद भएको हो । स्वास्थ्यकर्मीहरुले भने क्वारेन्टाइनमा बसेकाहरुको स्वाब संकलन पहिलो प्राथमिकता रहेको बताएका छन् ।
कोरोना परीक्षण रिपोर्ट नआउँदै राप्ती सोनारी गाउँपालिका वडा नं ८ स्थित क्वारेन्टाईनमा बसेका २७ जनालाई बिहीबार घर पठाइयो । त्यसको तीन/चार घण्टापछि स्वास्थ्य मन्त्रालयले सार्वजनिक गरेको रिर्पोटमा त्यही क्वारेन्टाईनमा बसेका चारजना र व्यवस्थापनमा खटिएका वडाध्यक्ष गरी ७ जनामा कोरोना पोजेटिभ देखिएको छ ।
लकडाउन पालना र संक्रमितको सुरक्षालाई लिएर स्थानीय प्रशासनको आलोचना भएपछि गृह मन्त्रालयले बाँकेका प्रमुख जिल्ला अधिकारी (सीडीओ) परिवर्तन गरेको छ । कुमारबहादुर खड्काको ठाउँमा स्याङ्जाका सीडीओ रामबहादुर कुरुम्बाङलाई बाँके पठाउन तोकेको स्रोतले बताएको छ ।
अव्यवस्थित क्वारेन्टाइन र कोभिड-१९ संक्रमितलाई आइसोलेसन सेन्टरमा पुर्याउन अवरोध गर्न थालेपछि जिल्ला सुरक्षा समितिले आइतबारबाट नरैनापुर गाउँपालिकालाई निषेधित क्षेत्र घोषणा गरेर सेना परिचालन गरेको छ । गाउँपालिकाका क्वारेन्टाइनमा रहेका व्यक्तिलाई संक्रमण पुष्टि भएपछि आइसोलेसन सेन्टरमा ल्याउन नेपालगन्जबाट गएका एम्बुलेन्सलाई घेराउ गरेर स्थानीयवासीले शुक्रबार १३ संक्रमितलाई भगाएका थिए ।
बाँकेको नरैनापुर गाउँपालिकाको क्वारेन्टाइनबाट शुक्रबार १३ जना संक्रमित भागेका छन् । संक्रमण पुष्टि भएको खबर सुनेसगै उनीहरू भागेका हुन् । कोही भागेर रुखमा चढेर लुकेका थिए भने कोही कुलोमा गएर सुतेका थिए । स्थानीयका अनुसार केही व्यक्ति दशगजाको खाल्डोमा गएर बसेका थिए । छिटो आइसोलेसन सेन्टरमा पुर्याउनु पर्ने संक्रमित भागेको खबरले जिल्लाभरिकै अवस्था तनावपूर्ण बनेको थियो ।
बाँकेको नरैनापुर गाउँपालिकास्थित क्वारेन्टाइनबाट भगाइएका १३ जनालाई प्रहरीले नियन्त्रणमा लिएको छ । शुक्रबार संक्रमण पुष्टि भएका उनीहरूलाई नेपालगन्ज ल्याउने तयारी भइरहेको छ ।
रमजानको अन्तिम शुक्रबार । इदको पूर्वसन्ध्यामा नमाज पढ्न उनी घरमै आइपुगे । नेपालगन्ज–८ का ३० वर्षीय उनले खजुरास्थित कोरोना अस्पतालको आइसोलेसन कक्षमा नमाज पढेनन् । रोजा पनि बसेनन् । नेपालगन्ज–७ का ६० वर्षीय व्यक्तिसँगै उनका भान्जा मदरसामा पढ्न जान्थे ।
बाँकेको कोहलपुर नगरपालिकाले क्वारेन्टाइन निर्माण गर्न खोजेपछि स्थानीय विरोधमा उत्रिएका छन् । बागेश्वरी बहुमुखी क्याम्पसमा क्वारेन्टाइन बनाउन खोजेपछि त्यस क्षेत्रका स्थानीय सडक बन्द गरेर विरोधमा उत्रिएका हुन् । उनीहरुले भारतबाट आउने व्यक्तिहरुबाट कोरोना सर्न सक्ने भन्दै विरोध जनाएका हुन् ।
