हामी नयाँ नेतृत्वसहित निर्वाचनमा जान्छौँ। विशेष महाधिवेशनको निर्णयअनुसार उच्च आत्मविश्वासका साथ अगाडि बढ्छौँ।

उनले निर्वाचन आयोगले संवेदनशील अवस्था हेरेर छिट्टै निर्णय गर्ने बताए ।

थापाले प्रचलित कानुन, निर्वाचन, दलसम्बन्धी कानुन, पार्टीको विधान सबै कुरालाई एक ठाउँमा राखेर हेर्दा आयोगले एकदमै छोटो समयभित्र निर्णय गर्न सक्ने पनि बताए ।

पुराना र नयाँ पुस्ताको संघर्षले कांग्रेस विभाजन भएपछि प्रमुख राजनीतिक दलका नेताहरुको मुख्य नजर यतैतिर केन्द्रित गरेका छन् ।

थापा भन्छन्- सडकले इन्कार गरेको कुनै पनि पात्रलाई पार्टीले जबर्जस्ती बोकेर जाने कोसिस गर्‍यो भने भोलि सडकले ‘ब्यालेट’ मार्फत त्यसलाई इन्कार गरिदिन्छ । यो मूर्खता नगरौं भनेका हौं । पार्टी यसरी जोगिँदैन । यही विषयमा हाम्रो कुरा नमिलेको हो ।

५६ प्रतिशत प्रतिनिधि उपस्थित विशेष महाधिवेशनले छान्यो नया‍ँ पुस्ताको नयाँ नेतृत्व 

नेता शर्माले महाधिवेशनको हलले आज सानेपामा गरिएको कारबाहीको निर्णयलाई बदर गर्ने निर्णयसमेत लिने बताएका छन् ।

थापाले केन्द्रीय कार्यसमिति भंग भइसकेकाले सानेपामा बसेको बैठक वैध नभएको बताए ।

आठ बुँदे प्रस्तावमा संस्थापन पक्षबाट सकारात्मक जवाफ नआएपछि महामन्त्री विश्वप्रकाश शर्मा केन्द्रीय कार्यसमिति बैठकमा सहभागी नहुने भएका छन् ।

प्रस्तावमा कुनै दलसँग चुनावी गठबन्धन नगर्नेदेखि टिकट वितरणका लागि सर्वस्वीकार्य संसदीय बोर्ड गठन गर्नुपर्नेसम्मका विषय समेटिएका छन्।

विशेष महाधिवेशनपक्षधर नेताहरू नयाँ नेतृत्व चयनतर्फ र संस्थापन पक्ष कारबाहीतर्फ अघि बढ्न थाले

संस्थापन पक्षका नेताहरू केन्द्रीय कार्यसमिति बैठकमा भाग लिन सानेपा पुगे पनि बैठक कति बेला सुरु हुने भन्नेमा अन्योल कायमै रहेको छ ।

निर्वाचन प्रक्रियामा गएपछि यो विवाद निर्वाचन आयोगमा आउने अनुमानका आधारमा आयोगले आन्तरिक अध्ययन थालेको हो । तर निर्वाचन आयोगले यस विषयमा कुनै धारणा भने सार्वजनिक गरेको छैन ।

संस्थापन पक्ष र विशेष महाधिवेशन पक्षधरको आ-आफ्नै अडानका कारण कांग्रेस विग्रहको बाटोमा आइपुगेको छ । दुवै पक्षले आ-आफ्नै दाबी र तर्क गरिरहेका छन् । कांग्रेस पार्टीभीत्र भइरहेको विवाद र त्यसपछिका घटनाक्रमबारे लाइभ अपडेटका लागि ekantipur.com हेर्दै गर्नुहोला ।

अन्तिम निर्णय निकाल्ने तयारीसहित बोलाइएको बैठकमा देउवाले महामन्त्रीद्वय गगन थापा र विश्वप्रकाश शर्मालाई पनि बोलाएका छन् ।

'साथीहरुले पार्टीभित्र देखिएका केही समस्याहरुलाई संवादबट टुंग्याउन सकिन्छ कि भनेर संवाद पनि गरिरहनुभएको छ । त्यो छलफल पनि आवश्यक थियो । तर त्यो छलफलको कुरा यो हलबाट बाहिर कतै गएर पनि टुंगिदैन । यो विशेष महाधिवेशन हो यही हलले गर्नेछ ।'

उनीहरुले सोमबार विशेष महाधिवेशनमा प्रतिवेदन पेस गरेका थिए ।

कुरा नमिले निर्वाचन प्रक्रिया अघि बढ्ने, संस्थापन पक्ष कारबाहीको तयारीमा

राति मतदान गराउन गाह्रो हुने भएकोले भोलि बुधबारमात्रै मतदान प्रक्रिया अगाडि बढाउने तयारी रहेको केन्द्रीय निर्वाचन समितिका संयोजक सिताराम केसीले जानकारी दिए ।

अहिले संस्थापन र विशेष महाधिवेशन पक्षका केही नेता बालुवाटारमा वार्तामा छन् । वार्ताले के निष्कर्ष निकाल्छ, सोही बमोजिम केन्द्रीय समितिले निर्णय लिने एक केन्द्रीय सदस्यले बताए ।