काठमाडौँ — भृकुटीमण्डपमा जारी कांग्रेसको विशेष महाधिवेशनअन्तर्गत नयाँ नेतृत्व चयनका लागि आज राति मतदान नहुने भएको छ ।  

राति मतदान गराउन गाह्रो हुने भएकोले भोलि बुधबारमात्रै मतदान प्रक्रिया अगाडि बढाउने तयारी रहेको केन्द्रीय निर्वाचन समितिका संयोजक सिताराम केसीले जानकारी दिए । 'अहिले साढे ७ बजेसम्म मनोनयनपत्र पूरा गराउँदैछौं । त्यसपछि हामी छलफल गरेर बाँकी प्रकियाबारे टुंग्याउँछौं,' संयोजक केसीले भने, 'राति नै मतदानमा जाने सोच छैन । रातभरि मतदान गर्न गह्रुँगो हुन्छ । भोलि बिहान हुन्छ होला ।' 

निर्वाचन समितिले यसअघि सार्वजनिक गरेको निर्वाचन कार्यक्रमअनुसार आजै राति ९ बजेदेखि मतदानको समयतालिका निर्धारण गरिएको थियो । संयोजक केसीका अनुसार अब नयाँ निर्वाचन तालिका आउनेछ ।