खोप कार्यक्रम निरीक्षण गर्न अस्पतालहरु घुमे प्रधानमन्त्री 

पाटन स्वास्थ्य विज्ञान प्रतिष्ठानका अस्पताल निर्देशक डा. रवी शाक्यका अनुसार प्रधानमन्त्री ओलीले खोप लगाएको निरीक्षण गरेपनि कुनै प्रतिक्रिया भने दिएनन् ।

उनका अनुसार प्रधानमन्त्री ओलीलाई केही बोल्न आग्रह गरिएपनि उनले 'खोप लगाउनका लागि गरिएको व्यवस्था राम्रो रहेछ । के कसरी गर्नुपर्छ तपाईंहरु आफैं जानकार हुनुहुन्छ' भन्दै शुभकामना दिएर बाहिरिएका थिए ।

बुधबारदेखि सरकारले देशव्यापी रुपमा कोरोनाविरुद्धको खोप अभियान सुरु गरेको छ । पहिलो चरणको अभियान अन्तरगत देशभरका स्वास्थ्यकर्मी लगायत अग्रपंक्तिमा रहेर कोरोना विरुद्ध कार्यरतहरुलाई खोप दिइँदैछ ।