२८ र २२ वर्षका दुई छोरी लिएर आन्दोलनमा आइपुगेकी रजनी भन्छिन्- 'यो आन्दोलनले नतिजा दिन्छ भन्ने लागेको छ ।'
काठमाडौँ — भ्रष्टाचार र सामाजिक सञ्जालमा लगाइएको प्रतिबन्धको विरोधमा माइतीघरमा भेला भएका जेन-जी पुस्तामाझ एउटा फरक अनुहार देखियो । उनी थिइन्, ५३ वर्षीया रजनी राणा । २८ र २२ वर्षका दुई छोरी लिएर उनी आन्दोलनमा आइपुगेकी थिइन् ।
उनले आज घरमा पकाइतुल्याईको काम श्रीमान्लाई जिम्मा लगाएर जेन-जीहरुको आन्दोलनमा साथ र समर्थन गर्न छोरीहरुसहित आएको बताइन् । २०६२/६३ को जनआन्दोलनमा पनि सडकमा आएको र फेरि परिवर्तनका लागि आउनुपरेको उनको भनाइ छ ।
कान्तिपुरसँग कुरा गर्दै उनले भनिन्, 'यसअघि पनि कैयौं आन्दोलन भए । तर यो आन्दोलनले नतिजा दिन्छ भन्ने लागेको छ ।' उनले जेन-जी हरुले स्वार्थरहित आन्दोलन गरेको भन्दै यसले केही न केही निष्कर्ष निकाल्ने बताइन् ।
डिजिटल प्लाटफर्मबाट सुरु भएको यो आन्दोलन माइतीघर हुँदै बानेश्वर पुगेको छ ।
सम्बन्धित अन्य समाचार
