१६८ जना नेपाली यात्रु लिएर युएईबाट एयर अरेबिया काठमाडौं उड्यो- समाचार - कान्तिपुर समाचार

१६८ जना नेपाली यात्रु लिएर युएईबाट एयर अरेबिया काठमाडौं उड्यो

होम कार्की, सुरज कुँवर

काठमाडौँ — संयुक्त अरब इमिरेट्स (युएई)बाट १६८ जना नेपाली यात्रु लिएर एयर अरेबिया काठमाडौंका लागि उडेको छ । एयर अरेबियाको उडान नम्बर जी ९: १७५१ नम्बरको विमान स्थानीय समयअनुसार १२ : ०३ मा उडेको हो । जहाजमा एक नेपालीको शव पनि छ ।

जहाजमा नेपाली दूतावासले प्राथमिकताको आधारमा तय गरेको यात्रु छैनन् । विमान दुई वटा सुरक्षा कम्पनीमा करार अवधि समाप्त भएका नेपाली सुरक्षा गार्डहरु रहेका छन् ।

सरकारले प्राथमिकतामा परेको नेपाली यात्रु नपरेपछि उडानलाई अनुमति दिने कि नदिने भन्ने बिहानदेखि नै विवाद परेको थियो । विमानभित्र प्रवेश गरिसकेको यात्रुलाई बाहिर निकालिएको थियो । फेरि नेपाल सरकारको एउटा फारममा हस्ताक्षर गर्न लगाइएपछि निर्धारित समयभन्दा ४० मिनेट ढिलो गरी सारजाह विमानस्थलबाट विमान उडाइएको हो ।

यो विमान त्रिभुवन विमानस्थलमा साँझ ६ बजे अवतरण हुनेछ ।

सम्बन्धित समाचार

१६८ जना नेपाली सारजाह विमानस्थलको बोर्डिङ कक्षमा उडान पर्खंदै

प्रकाशित : जेष्ठ २३, २०७७ १५:०७
प्रतिक्रिया
पठाउनुहोस्

मकवानपुरमा जिप दुर्घटना : ५ जना घाइते

सुवास विडारी

मकवानपुर — मकवानपुरको पूर्वी क्षेत्रमा पर्ने बकैया गाउँपालिका–३ जलजलेमा  जिप दुर्घटना हुँदा पाँच जना घाइते भएका छन् । 

हात्तिसुँडेबाट हेटौंडातर्फ आउँदै गरेको ना. १ ज २९७२ नम्बरको टाटा सुमो यान्त्रिक गडबडीका कारण सडक छेउमा पल्टिँदा सुमोमा सवार पाँच जना घाइते भएको जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक(डीएसपी) इन्द्रबहादुर रानाले जानकारी दिए । घाइते हुनेमा बकैया–८ बस्तीपुरका ४८ रामबहादुर गोले, ४० वर्षीया सुनिता योञ्जन, २४ वर्षीया सम्झना योञ्जन, ३७ वर्षीय जीतबहादुर गोले र ४५ वर्षीय बुद्धिलाल गोले रहेका छन् ।

दुर्घटनामा गम्भीर घाइते भएकी सुनितालाई थप उपचारका लागि हेटौंडा ल्याइएको र अन्य घाइते स्थानीय मेडिकलमा उपचार गराइ घर फर्किएको डीएसपी रानाले बताए । जिपचालक भने फरार रहेको प्रहरीले बताएको छ ।

प्रकाशित : जेष्ठ २३, २०७७ १४:४१
पूरा पढ्नुहोस्
प्रतिक्रिया
पठाउनुहोस्
×