महाराष्ट्रको एक अस्पतालमा आगलागी हुँदा १३ संक्रमितको मृत्यु

भारतीय समाचार संस्था एएनआईका अनुसार शुक्रबार पालघर जिल्लामा रहेको वसाई अस्पतालको कोभिड उपचार केन्द्रको आईसीयू कक्षमा आगलागी भएको हो ।

Maharashtra | 13 people have died in a fire that broke out at Vijay Vallabh COVID care hospital in Virar, early morning today pic.twitter.com/DoySNt4CSQ

— ANI (@ANI) April 23, 2021

जिल्ला विपद् नियन्त्रण सेलका प्रमुख विवेकानन्द कदमका अनुसार अस्पतालमा १६ जना बिरामी उपचाररत थिए । वसाई नगरपालिकाको दमकलले करिब १ घण्टापछि आगो नियन्त्रणमा लिएको पनि उनले बताए । आगलागीबाट घाइते भएका बिरामीलाई नजिककै अर्को अस्पतालमा सारिएको छ ।

दुई दिन पहिले महाराष्ट्रकै नासिकको एउटा अस्पतालमा अक्सिजनको ट्यांकर लिक हुँदा २२ जना बिरामीको मृत्यु भएको थियो ।