भारतमा एकैदिन करिब ३ लाखलाई कोरोना संक्रमण, २०२३ को मृत्यु
काठमाडौँ — भारतभरका अस्पतालमा अक्सिजन र बेड अभाव भइरहेका बेला एकैदिन करिब ३ लाख जनालाई कोरोना संक्रमण पुष्टि भएको छ । भारतीय स्वास्थ्य तथा परिवार कल्याण मन्त्रालयका अनुसार पछिल्लो २४ घण्टामा मात्रै २ लाख ९५ हजार ४१ जनामा कोरोना संक्रमण पुष्टि भएको छ ।
भारतमा एकैदिन २ लाखभन्दा बढीलाई संक्रमण पुष्टि भएको यो सातौं दिन हो । त्यस्तै भारतमा पछिल्लो २४ घण्टामा २ हजार २३ जनाको मृत्यु भएको छ । योसँगै भारतमा संक्रमितको संख्या १ करोड ५६ लाख १६ हजार ३९ पुगेको छ । त्यस्तै अहिलेसम्म कोरोनाले १ लाख ८२ हजार ५ सय ५३ जनाको मृत्यु भएको छ भने १ करोड ३२ लाखभन्दा बढी संक्रमणमुक्त भएका छन् । भारतमा अहिले २१ लाख ५७ हजारभन्दा बढी सक्रिय संक्रमित रहेका छन् ।
India reports 2,95,041 new #COVID19 cases, 2,023 deaths and 1,67,457 discharges in the last 24 hours, as per Union Health Ministry
— ANI (@ANI) April 21, 2021
Total cases: 1,56,16,130
Total recoveries: 1,32,76,039
Death toll: 1,82,553
Active cases: 21,57,538
Total vaccination: 13,01,19,310 pic.twitter.com/YrLu5MVdbl
भारतमा सबैभन्दा बढी प्रभावित महाराष्ट्रमा पछिल्लो २४ घण्टामा ६२ हजारभन्दा बढीमा संक्रमण पुष्टि भएको छ भने ५ सय १९ जनाको मृत्यु भएको छ । त्यस्तै राजधानी दिल्लीमा थप २८ हजार ३ सय ९५ जनामा संक्रमण पुष्टि भएको छ । संक्रमण तीव्र भएपछि दिल्लीका मुख्यमन्त्री अरविन्द केजरीवालले केन्द्र सरकारलाई तुरुन्त अक्सिजनको व्यवस्था मिलाइदिन सार्वजनिक रुपमै अपिल गरेका छन् ।
उनले दिल्लीका अस्पतालमा केही घण्टाका लागि मात्रै अक्सिजन मौज्दात रहेको पनि बताएका छन् । दिल्ली सरकारले समयमै अक्सिजनको आपूर्ति नहुने भने दिल्लीमा हाहाकार मच्चिने पनि बताएको छ ।
सम्बन्धित समाचार
कोरोनाको दोस्रो लहर तुफान बनेर आएको छ : नरेन्द्र मोदी
प्रकाशित : वैशाख ८, २०७८ १०:३१