काठमाडौँ — विराटनगर किंग्सले नेपाल प्रिमियर लिग (एनपीएल) क्रिकेटको शनिबारको पहिलो खेलमा फिल्डिङ गर्ने भएको छ ।

विराटनगरका कप्तान सन्दीप लामिछानेले त्रिवि क्रिकेट अन्तर्राष्ट्रिय मैदान कीर्तिपुरमा टस जितेर सुदूरपश्चिम रोयल्सलाई पहिला ब्याटिङका लागि बोलाएका हुन् । सुदूरपश्चिम पहिलो ६ खेल जितेर क्वालिफायर १ मा पुगिसकेको छ । गत सिजनमा फाइनलमा पराजित सुदूरपश्चिमले यस पटक लगातार खेल जित्दै आएको छ ।

विराटनगर प्ले अफमा निश्चित भइसकेको छ । सुदूरपश्चिमलाई ठूलो अन्तरमा पराजित गरेमा टोलीले पुनः सुदूरपश्चिमसँग क्वालिफायर १ मा खेल्ने सम्भावना बन्छ । काठमान्डु गोर्खाजलाई उछिन्न विराटनगरले सुदूरपश्चिमविरुद्ध ठुलो अन्तरमा विजय हात पार्नुपर्नेछ ।

सुदूरपश्चिमले दुई महत्वपूर्ण खेलाडी परिवर्तन गरेको गरेको छ । स्कट कुग्लेन र क्रिस लिनको स्थानमा टोलीले जस ब्राउन र ध्रुव परासरलाई खेलाएको छ । कुग्लेन टोलीका प्रमुख बलर हुन् भने लिन चितवन राइनोजविरुद्धको अघिल्लो खेलमा अविजित ७५ रन बनाउँदै प्लेयर अफ द म्याच बनेका थिए ।

ब्राउन सुदूरपश्चिम टोलीका नियमीत सदस्य हुन्, तर चितवनसँग अघिल्लो खेलमा उनलाई खेलाइएको थिएन । यूएईका ब्याटर परासरको एनपीएलमा यो पहिलो खेल हो ।