पाण्डे क्षेत्र नम्बर २ ‘ख’ बाट प्रदेश सभामा निर्वाचित सांसद हुन् ।
काठमाडौँ — एमाले महाधिवेशनका लागि जिल्लाबाट प्रतिनिधि छनोट गर्न शनिबार सम्पन्न मतदानमा एमाले गण्डकी प्रदेश सभा सदस्य लक्ष्मण पाण्डे पराजित भएका छन्। पाण्डे क्षेत्र नम्बर २ ‘ख’ बाट प्रदेश सभामा निर्वाचित सांसद हुन् ।
क्षेत्र नम्बर २ खुला तर्फ ४ जना महाधिवेशन प्रतिनिधि निर्वाचित हुनुपर्नेमा ८ जनाको उम्मेदवारी परेको थियो। विजयी भएका भीमलाल अधिकारीले सर्वाधिक १ हजार ३४ मत प्राप्त गर्दा प्रदेश सांसद पाण्डेले ३ सय ४० मत मात्रै पाएका थिए।
दुई वटा निर्वाचन क्षेत्र रहेको पूर्वी नवलपरासीमा एमाले महाधिवेशनका लागि भएको निर्वाचनमा १४ जना केपी ओली पक्षधर र १ जना ईश्वर पोखरेल पक्षधर विजयी भएका छन्।
एमालेको मंसिर अन्तिम साता हुने ११ औं महाधिवेशनका लागि महाधिवेशन प्रतिनिधि चयन प्रक्रिया जारी छ ।
सम्बन्धित समाचार
