उपसभामुखविरुद्ध महाभियोगको तयारीलाई लिएर माओवादीको असन्तुष्टि, विपक्षीहरू बैठकमा जुट्ने।
काठमाडौँ — कांग्रेस-एमालेले उपसभामुख इन्दिरा राना मगरले पदअनुकूल आचरण नगरेको प्रस्ताव दर्ता गर्न खोजेपछि प्रमुख प्रतिपक्षी दल माओवादीले विपक्षी दलहरूको बैठक बोलाएको छ ।माओवादी केन्द्रीय पदाधिकारीहरूको बैठकमा विपक्षी दलहरूको बैठक बोलाउने निर्णय गरेको हो ।
माओवादी पदाधिकारी बैठकले उपसभामुख मगरलाई महाभियोग लगाउने तयारी गरेको भन्दै त्यसको विरोध पनि गरेको माओवादी प्रमुख सचेतक हितराज पाण्डेले जानकारी दिए ।
उनले भने 'उपसभामुखका विषयमा कांग्रेस-एमालेले के गर्न खोजेको हो ? त्यसका विरुद्ध कसरी जाने भनेर हामी हामी विपक्षहरूको बैठक बस्दछौं ।'
उपसभामुखविरुद्ध महाअभियोग लगाउने तयारीप्रति कांग्रेसमा शेखर कोइराला पक्षसमेत असन्तुष्ट देखिएको छ ।
यो पनि पढ्नुहोस् :
उपसभामुखविरुद्ध हस्ताक्षर संकलन जारी
अन्तर्राष्ट्रिय ख्यातिप्राप्त उपसभामुख हटाउने कुरा गलत छ, हामी विरोध गर्छौं : अध्यक्ष दाहाल
उपसभामुखविरुद्ध हस्ताक्षर संकलन जारी
कांग्रेस-एमाले उपसभामुख हटाउने तयारीमा, माओवादीले बोलायो विपक्षी दलहरूको बैठक
