काठमाडौँ — प्रधानमन्त्री केपी शर्मा ओलीले बुधबार दुर्घटनामा परेको सौर्य एयरलाइन्सका क्याप्टेन मनिषरत्न शाक्यको स्वास्थ्य अवस्थाबारे जानकारी लिएका छन् ।
घाइते क्याप्टेनको उपचारका विषयमा बुझ्न प्रधानमन्त्री ओली केहीबेर अघि सिनामङ्गलस्थित काठमाडौँ मेडिकल कलेज पुगेका थिए ।
सो क्रममा प्रधानमन्त्री ओलीले उनको उपचारमा संलग्न चिकित्सक र परिवारजनसँग समेत कुराकानी गरेका प्रधानमन्त्रीको सचिवालयले जनाएको छ । बुधबार बिहान सौर्य एयरलाइन्सको जहाज दुर्घटना हुँदा १८ जनाको ज्यान गएको थियो भने क्याप्टेन मनिषरत्न शाक्य घाइते भएका थिए ।
