कान्तिपुर वेबसाईट
AdvertisementAdvertisement

गौरीफन्टा नाकामा रोकिएकालाई क्वारेन्टाइनमा बस्नेगरी प्रवेश गर्न दिइने

मोहन बुढाऐर

धनगढी — सुदूरपश्चिम प्रदेशको कैलाली जिल्लाको गौरीफन्टामा रोकिएका करिब एक हजार नेपालीलाई स्थानीय प्रशासनले क्वारेन्टाइनमा राख्ने प्रवेशको अनुमति दिने भएको छ। 

प्रमुख जिल्ला अधिकारी यज्ञराज बोहराले सीमा नाकाको दशगजा क्षेत्रमा रोकेर राखिएका नेपालीलाई सम्बन्धित गाउँ तथा नगरपालिकाको क्वारेन्टाइनमा राख्ने गरी भित्राउन लागेको बताए। ‘त्यहाँ रोकिएका नेपालीलाई सम्बन्धित जिल्लामा बसमा पुऱ्याउने भएका छौं,’ ‘उनले भने, ‘अहिले उनीहरुको स्वास्थ्य परीक्षण र व्यक्तिगत बिवरण लिने काम भइरहेको छ।’

गौरीफन्टा नाकामा एक हजार अलपत्र

प्रजिअ बोहराले विवरण संकलन भएपछि साँझसम्म उनीहरुलाई गन्तव्यतर्फ लगिने बताए। उनका अनुसार उनीहरुलाई गनतव्यमा पुगाउन यतायात समितिहरुको बस उपलब्ध गराइने छन्। ‘सम्बन्धित जिल्लामा बसले पुगाएपछि प्रदेश स्थानीय तहले उनीहरुलाई क्वारेन्टाइनमा राख्ने छन्,’उनले भने।

गौरीफन्टा नाकामा तनाव

भारतका विभिन्न सहरमा काम गर्ने करिब एक हजार नेपाली सोमबार साँझदेखि मंगलबार बिहानसम्म गौरीफन्टा नाकामा आइपुगेका थिए। उनीहरुलाई स्थानीय प्रशासनले प्रवेश गर्न दिएको थिएन। सोमबार साँझ पुगेका नेपालीहरु दशगजाको खुल्ला चौरमै रात बिताउन बाध्य भएका थिए।


मंगलबारबिहान उनीहरुले घर फर्कन पाउनुपर्ने माग राख्दै चर्काे नाराबाजी जबर्जस्ती गरेका थिए। प्रजिअ बोहराका अनुसार गृह मन्त्रालय र प्रदेश सरकार संगको समुन्वय गरेर उनिहरुलाई स्वदेश प्रवेश गर्न दिने निर्णय स्थानिय प्रशासनले गरेको हो। प्रकाशित : चैत्र ११, २०७६ १६:२७

ADVERTISEMENT
प्रतिक्रिया
पठाउनुहोस्
ADVERTISEMENT

टोकियो ओलम्पिक्स सर्ने ‘निश्‍चित’

रोयटर्स

लन्डन — कोरोना भाइरसको महामारीका कारण टोकियो ओलम्पिक्स सार्नेबारे केही दिनमै निर्णय हुने भएको छ । प्रतियोगिता सार्न चर्को दबाबबीच मंगलबार जापानी प्रधानमन्त्ती सिन्जो आबे र अन्तर्राष्ट्रिय ओलम्पिक्स कमिटी (आईओसी) अध्यक्ष थोमस बाखबीच मंगलबार कुराकानी भएको जापानीले सरकारले बताएको छ ।

जापानी पत्रिका सेन्‍केइका अनुसार जापानी सरकारले आईओसीसँग छलफल गरेर एक वर्षका लागि टोकियो ओलम्पिक्स सार्ने निश्चित जस्तै छ । आधुनिक ओलम्पिक्सको १ सय २४ वर्षको इतिहासमा प्रतियोगिता सार्न लागेको यो पहिलो पल्ट हो । यसअघि जापानी सरकार र आईओसीले एक महिनाको अन्तरमा प्रतियोगिताबारे निर्णय गर्ने बताएको थियो ।

तर पछिल्लो समय दुवै पक्षमाथि प्रतियोगिता सार्नेबारे चर्को दबाब परेको थियो । महामारीको प्रकोपका कारण अधिकांश अन्तर्राष्ट्रिय उडान भइरहेका छैनन् भने लगभग सबै सामाजिक र व्यापारिक क्रियाकलापमा पनि प्रतिबन्धको जस्तै स्थिति छ । यस्तोमा खेलाडीले टोकियो ओलम्पिक्सका लागि भनेर तयारी गर्न पाएका छैनन् ।

क्यानाडा र अस्ट्रेलियाले निर्धारित समयमा टोकियो ओलम्पिक्सको आयोजना भए आफ्नो देशले भाग नलिने बताइसकेको छ । बेलायत र अमेरिकाले पनि आफ्ना खेलाडी र खेल पदाधिकारीसँग छललफ गरेर प्रतियोगितामा सहभागी हुने अथवा नहुनेबारे निर्णय गर्ने बताएको थियो । सेन्‍केइ पत्रिकाले जापानीबीच गरेको मत सर्वेक्षणमा पनि ७० प्रतिशतले प्रतियोगिता सार्नु पर्ने बताएका छन् ।

आधुनिक ओलम्पिक्सको इतिहासमा अहिलेसम्म प्रतियोगिता घोषित मितिमै भएका छन् र सार्नु पर्ने स्थिति तयार भएको छैन । दुई विश्व युद्धका कारण भने सन् १९१६, १९४० र १९४४ मा हुने पर्ने ओलम्पिक्स भने हुन सकेको थिएन् । चर्को शीतयुद्धबीच सन् १९८० र १९८२ को ओलम्पिक्सलाई भने केही देशले बहिष्कार गरेका थिए ।

प्रकाशित : चैत्र ११, २०७६ १६:२५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×