कान्तिपुर वेबसाईट
AdvertisementAdvertisement

दिल्लीमा अलपत्र परेकामध्ये अधिकांश पुगे नेपाल

२५ जना अझै अलपत्र
सुरेशराज न्यौपाने

नयाँदिल्ली — केही दिनदेखि दिल्लीमा अलपत्र परेका नेपालीहरुलाई नेपाली दूतावास र प्रवासी नेपाली संगठनको समन्वयमा नेपालतर्फ पठाइएको छ । 

भारतमा कोरोना भाइरसको बढ्दो त्रासका कारण नेपाल हिँडेका चार सयभन्दा बढी नेपालीहरु भारतको राजधानी नयाँदिल्लीमा अलपत्र परेका थिए। घर फर्कनका लागि उनीहरु भारतका शिमला, बैंग्लोर, पन्जाबबाट दिल्ली आइपुगेका थिए। तर, भारतको केन्द्र सरकारले आइतबारदेखि यात्रुवाहक रेल र लामो दूरीमा चल्ने बस सेवा बन्द गरेपछि उनीहरु दिल्लीस्थित आनन्दबिहार बसपार्क र छतरपुरमा अलपत्र परेका हुन्। तीमध्ये २१४ जनालाई तीनवटा बस र ट्याक्सीमा नेपाल पठाइएको हो।


भारतको दिल्लीलगायतका विभिन्न ठाउँमा ‘लकडाउन’ गरिएका कारण उनीहरुलाई नेपाल पठाउन दूतावासले भारतको विदेश मन्त्रालयसँग समन्वय गरेको थियो। उनीहरु मंगलबार बिहान गौरीफन्टा (धनगढी) पुगेको समेत बताइएको छ।

दिल्लीमा अलपत्र नेपाली भन्छन्, ‘जहाँ गए पनि पुलिसले लखेट्छ, हामी कहाँ जाने?’

दिल्लीमा अलपत्र परेकामध्ये केही दिल्लीमा रहेका आफन्त र साथीभाइ्कहाँ बसे भने बैंग्लोरबाट आएको २५ जनाको टोली भने अझै अलपत्र अवस्था रहेको छ। दक्षिण भारतको बैंग्लोरबाट आएका उनीहरु हाल दिल्लीको छतरपुरमा एक जना उत्तरप्रदेशका भारतीयको कोठामा बसेका छन्।


‘एक जना साथीको डेरामा बसेका छौं, ऊ पनि घर जाने भनेको छ त्यसपछि त विजोग हुन्छ जस्तो छ,’ तीमध्येका एक प्रकाश टमाटाले भने। अरुलाई घर पठाएजस्तै आफूहरुलाई पनि दूतावासले उद्धार गरिदिने आशमा बसेको उनले बताए। ‘अरुलाई त दूतावासले घर पठायो हामीलाई पनि पठाएको हुन्थ्यो नत्र हामीहरु कहाँ जाने थाहा छैन,’ टमाटाले भने। प्रकाशित : चैत्र ११, २०७६ १३:२५

ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गौरीफन्टा नाकामा एक हजार अलपत्र

अर्जुन शाह

धनगढी — सोमबार रातिदेखि धनगढीको सीमा नाका गौरिफन्टामा रोकिएकाहरुको बेहाल हुन थालेको छ । बिहान ७ बजे प्रहरीले लखेटेका उनीहरुले खानासमेत खान पाएका छैनन् ।

उनीहरुलाई कसरी देशभित्र ल्याउने भन्ने प्रशासनले अझै टुंगो लगाएको छैन ।

धनगढी मुख्यमन्त्रीको कार्यालयमा बैठक बसिरहेको सशस्त्र प्रहरीका एसपी कमल तिमिल्सिनाले बताए । सरकारले सीमामा आउने आफ्ना नागरिकको स्पष्ट पहिचान गरेर, स्वास्थ्य जाँचको व्यवस्था मिलाइ ल्याउन सकिने सोमबार निर्णय गरेको थियो ।


भारतका विभिन्न सहरबाट आएकाहरु सुदूरपश्चिमको प्रमुख सीमा नाका गौरीफन्टामा अलपत्र छन् । उनीहरुले बिहानैदेखि नाराबाजी गरेर अगाडि बढ्न खोजेपछि सुरक्षाकर्मीहरुले रोकेका थिए । जिल्ला प्रशासन कार्यालय कैलालीका अनुसार करिब एक हजारभन्दा बढीको संख्यामा सुदूरपश्चिमको ९ वटै जिल्लाका बासिन्दाहरु त्यहाँ रोकिएका छन् ।








तस्बिरहरु : अर्जुन शाह/कान्तिपुर

प्रकाशित : चैत्र ११, २०७६ १३:२४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×