रवि समर्थक र प्रहरीबीच चितवनमा झडप

रमेशकुमार पौडेल

चितवन — सञ्चारकर्मी रवि लामिछाने समर्थक र प्रहरीबीच झडप भएको छ । भरतपुरको चौविस कोठीमा जम्मा भएका रवि समर्थकले जिल्ला अदालतमा लामिछानेको थुनछेक बहस चलिरहेको समयमा सार्वजनिक सवारी साधनमा तोडफोड गरेपछि झडप भएको हो ।

अहिले पनि प्रहरीले समर्थकलाई लखेटिरहेको छ । झडपका क्रममा भीड तितरबितर पार्न प्रहरीले केही सेल अश्रुग्यास प्रहार गरेको थियो । आइतबार अस्मिता कार्कीको बयान सकिएपछि सोमबार रवि लामिछाने, युवराज कँडेल र दीपक बोहराको बयान सकिएको थियो । बयानपछि थुनछेक बहस सुरु भएको छ ।


यो पनि पढ्नुहोस्ः

शालिकराम पुडासैनी आत्महत्या प्रकरण : प्रहरीसँगको बयानमा रविले के भने ?
शालिकराम पुडासैनी आत्महत्या प्रकरण : बयानमा के भनिन् अस्मिताले ?

पुडासैनी आत्महत्या प्रकरण : शालिकको मृत्यु पछि रविले किन भेट्न खोजेका थिए अस्मितालाई ?


शालिकराम पुडासैनी आत्महत्या प्रकरण : अभियुक्त ३ जनाकै बयान सकियो, थुनछेक बहस सुरु

शालिकराम पुडासैनी आत्महत्या प्रकरण : बयानमा के भनेका छन् पत्रकार युवराज कँडेलले


सिधा कुरा जनतासँगका कार्यक्रम निर्माताले के भने बयानमा ?


आत्महत्या नै थियो शालिकरामको


शालिकराम आत्महत्या दुरुत्साहन मुद्दा : कति बलियो छ आरोपपत्र ?


आत्महत्या गर्नुभन्दा अघि के-के गरेका थिए शालिकले ?

प्रकाशित : भाद्र ९, २०७६ १५:२४
ADVERTISEMENT
प्रतिक्रिया
पठाउनुहोस्

आत्महत्या नै थियो शालिकरामको

जनकराज सापकोटा

काठमाडौँ — जिल्ला प्रहरी कार्यालय चितवनले अदालतमा पेस गरेको कागजातमा माउन्टेन टेलिभिजनका पत्रकार शालिकराम पुडासैनीले आत्महत्या नै गरेको अटोप्सी रिपोर्ट पेस गरेको छ । उक्त रिपोर्टले पुडासैनीको मृत्युबारे चलेका अनेकन अफवाह र हल्लाहरुलाई चिरेको छ ।

माउन्टेन टेलिभिजनका निमित्त प्रबन्ध निर्देशक विप्लव पोख्रेलले समेत प्रहरी बयानका क्रममा आत्महत्या भन्दा दुई वा तीन दिन पहिले शालिकरामले आफू बिरामी रहेको र दबाई खाइरहेको कुरा आफूलाई बताएका बयान दिएका छन् । प्रबन्ध निर्देशक पोख्रेलले भनेका छन, ‘उनले स्टाफहरुलाई पनि मोबाइलमा रहेको औषधिको फोटोहरु देखाएका थिए ।’
त्यसो त पत्रकार शालिकरामले आफू बिरामी भएको भन्दै प्रेमिका अस्मितालाई समेत फेसबुक म्यासेन्जरलमा लेखेका थिए । उनले अस्पतालको बिरामी पुर्जाको फोटोसमेत अस्मितालाई पठाएको देखिन्छ ।

प्रहरीले विभिन्न व्यक्तिसँग लिएको बयानले पनि शालिकरामको व्यक्तित्व र उनको पृष्ठभूमीबारे नयाँ तथ्यहरु बाहिर ल्याएको देखिन्छ ।

मृतक पत्रकार शालिकराम पुडासैनीले माउन्टेन टेलिभिजनमा चलाउने कार्यक्रम मिसन न्युजको क्यामेरामेन ओमबहादुर भुजेलले शालिकरामले आफू चितवनको रामनगरस्थित एक होटलमा स्टिङ गर्न जान्छु भनेर चितवन गएको बताएका छन् ।
कान्तिपुरलाई अदालत र प्रहरी स्रोतबाट प्राप्त विभिन्न कागजातहरुमा शालिकराम चितवन किन गएका थिए भन्ने तथ्य भने खुल्न सकेन ।

यो पनि पढ्नुहोस्ः

पुडासैनी आत्महत्या प्रकरण : शालिकको मृत्यु पछि रविले किन भेट्न खोजेका थिए अस्मितालाई ?

शालिकराम पुडासैनी आत्महत्या प्रकरण : अभियुक्त ३ जनाकै बयान सकियो, थुनछेक बहस सुरु

शालिकराम पुडासैनी आत्महत्या प्रकरण : बयानमा के भनेका छन् पत्रकार युवराज कँडेलले

सिधा कुरा जनतासँगका कार्यक्रम निर्माताले के भने बयानमा ?

शालिकराम आत्महत्या दुरुत्साहन मुद्दा : कति बलियो छ आरोपपत्र ?

रवि समर्थक र प्रहरीबीच चितवनमा झडप

आत्महत्या गर्नुभन्दा अघि के-के गरेका थिए शालिकले ?

प्रकाशित : भाद्र ९, २०७६ १४:२९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×