सिधा कुरा जनतासँगका कार्यक्रम निर्माताले के भने बयानमा ?

श्रृंखला : ६
जनकराज सापकोटा

काठमाडौँ — न्युज २४ बाट प्रसारण भइरहेको कार्यक्रम सिधा कुरा जनतासँगका निर्माता दिपक बोहोराले पत्रकार शालिकरामको आत्महत्यापछि आफूहरुले अस्मिता कार्कीलाई भेटने प्रयास गरेको स्वीकारेका छन् । अस्मितालाई भेटन बारम्बार प्रयास गरेकोबारे न्युज २४ का क्यामेरामेन अनिल ढुंगेलले पनि बयान दिएका थिए ।

निर्माता बोहोराले आफूहरुले आत्महत्या प्रकरणमा नाम जोडिएर समाचारहरु आउन थालेपछि क्यामेरामेनसँग अस्मिताको फोन नम्बर मागेर अस्मितालाई फोन गरेर भेट्न गएको बताएका छन्। उनले आफू सहित क्यामेरामेन अनिल र रवि लामिछाने ग्रिन सिटी अस्पतालमा भेटन गएको बताएका छन्।
निमोनियाको बिरामी आमाको उपचारका निम्ती ग्रिन सिटी अस्पतालमा रहेकै बेला कार्यक्रम निर्माता बोहोरा सहितको टोलीले उनको अर्न्तवार्ता गर्ने भन्दै अस्पताल पुगेका थिए। तर अस्मिताले यसबारे नबोल्ने मनसायले उनीहरुको फोन नउठाएपछि एक घन्टा कुरेर टोली फर्किएको थियो।
त्यसो त शालिकको मृत्युमा रवि र पत्रकार युवराजको नाम जोडिएलगत्तै निर्माता बोहोराले अस्मिता र पत्रकार शालिकबीचको केही अन्तरंग म्यासेजहरु फेसबुकमार्फत सार्वजनिक गरेका थिए। बयानका क्रममा पनि दिपकले त्यस्तो सन्देशहरु फेसबुकमा पोस्ट गरेको स्विकारेका छन्। कान्तिपुरले गरेको खोजमा दिपकले त्यस्तो अन्तरंग कुराकानी सम्बन्धी फेसबुक कुराकानीको स्क्रिन सट क्यामेरामेन अनिलबाट प्राप्त गरेका थिए।

केही दिनअघि कान्तिपुरसँगको कुराकानीमा अस्मिताको परिवारका सदस्यहरुले निजी विषय समेटिएका कुराकानीहरु सामाजिक सञ्जालमा पोस्ट गरेर चरित्र हत्या गर्ने प्रयास गरिएको गुनासो गरेका थिए।

यो पनि पढ्नुहोस्ः

पुडासैनी आत्महत्या प्रकरण : शालिकको मृत्यु पछि रविले किन भेट्न खोजेका थिए अस्मितालाई?

शालिकराम पुडासैनी आत्महत्या प्रकरण : अभियुक्त ३ जनाकै बयान सकियो, थुनछेक बहस सुरु

शालिकराम पुडासैनी आत्महत्या प्रकरण : बयानमा के भनेका छन् पत्रकार युवराज कँडेलले

आत्महत्या नै थियो शालिकरामको

शालिकराम आत्महत्या दुरुत्साहन मुद्दा : कति बलियो छ आरोपपत्र?

रवि समर्थक र प्रहरीबीच चितवनमा झडप

आत्महत्या गर्नुभन्दा अघि के-के गरेका थिए शालिकले?

प्रकाशित : भाद्र ९, २०७६ १४:००
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

शालिकराम पुडासैनी आत्महत्या प्रकरण : बयानमा के भनेका छन् पत्रकार युवराज कँडेलले

श्रृंखला : ५
जनकराज सापकाेटा

काठमाडौँ — न्युज २४ बाट प्रसारण हुने कार्यक्रम 'सिधा कुरा जनतासँग' का सञ्चालक रवि लामिछानेसँग कार्यरत पत्रकार युवराज कँडेलले आफूले कहिल्यै मृतक पत्रकार शालिकरामलाई दुःख नदिएको बताएका छन् ।

बयानका क्रममा उनले भनेका छन्, ‘भिडियोमा भने जस्तो मैले कुनै दुःख दिएको छैन। निजले ल्याएका समाचारका टिपोटहरुलाई कहिलेकाहीँ निकाल्ने र थप्ने हुन्थ्यो। सोही कुरामा निजले मसँग चित्त दुःखाएको हुनुपर्छ। सो बाहेक अन्य केही कारण छैन।’
बयानका क्रममा युवराजले शालिकराम विवाहित भएको र श्रीमती सम्झनासँग नयाँ बसपार्कतिर बस्छन् भन्ने बाहेक निजको बारेका अन्य केही पनि थाह नभएको बताएका छन्।


युवराजले आत्महत्या भन्दा दुई वा तीन दिन पहिले कार्यक्रम निर्माता दिपक बोहोरा र कार्यक्रम सञ्चालक रवि लामिछाने र न्युज २४ का अन्य कर्मचारीहरु समेत भएका बेला क्यामेरामेन अनिल ढुंगलेले मृतक शालिकराम पुडासैनीको प्रेमीकासँग सम्बन्ध बिग्रिएको गुनासो गरेको कुरा सुनाएको बताएका छन्। सोही कुराकानीमा त्यस्तो छ भने प्रहरीकोमा जानु भनेर दिपक बोहोराले भनेका थिए।

यो पनि पढ्नुहोस्ः





प्रकाशित : भाद्र ९, २०७६ १३:५१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT