शालिकराम पुडासैनी आत्महत्या प्रकरण : अभियुक्त ३ जनाकै बयान सकियो, थुनछेक बहस सुरु

श्रंखला : ४
रमेशकुमार पौडेल

चितवन — शालिकराम आत्महत्या प्रकरणमा आइतबार मात्रै चितवन जिल्ला अदालतमा मुद्दा दायर भएका तीनैजना अभियुक्तहरुको बयान सकिएको छ । सो मुद्दामा सञ्चारकर्मी रवि लामिछाने, युवराज कँडेल र अस्मिता कार्की विरुद्ध आत्महत्या दुरुत्साहनको मुद्दा दायर भएको  छ । 

मुद्दा दायरपछि अस्मिताको बयान हिजै सकिएको थियो। आज रवि लामिछाने र युवराज कँडेलको बयान सकिएको अदालतका श्रेस्तेदार रुद्रमणि गिरीले जानकारी दिए। अब यो मुद्दामा थुनछेक बहस सुरु भएको छ।
मुद्दाका पक्ष-विपक्षका कानुन व्यवसायीहरुको बहस सुनेपछि न्यायाधीशले अभियुक्तहरुलाई साधरण तारेखमा वा धरौटीमा छाड्ने वा थुनामा नै राखेर मुद्दा अगाडि बढाउने भन्ने आदेश दिने छन्। आत्महत्या दुरुत्साहन मुद्दामा सरकारी वकिलको कार्यालयले पाँच वर्षसम्म कैद र ५० हजार रुपैयाँ जरिवाना सजाय माग गरेको छ।

यो पनि पढ्नुहोस्ः
शालिकराम पुडासैनी आत्महत्या प्रकरण : बयानमा के भनिन् अस्मिताले ?
पुडासैनी आत्महत्या प्रकरण : शालिकको मृत्यु पछि रविले किन भेट्न खोजेका थिए अस्मितालाई ?
शालिकराम पुडासैनी आत्महत्या प्रकरण : बयानमा के भनेका छन् पत्रकार युवराज कँडेलले

प्रकाशित : भाद्र ९, २०७६ १३:५१
प्रतिक्रिया
पठाउनुहोस्
ADVERTISEMENT

पुडासैनी आत्महत्या प्रकरण : शालिकको मृत्यु पछि रविले किन भेट्न खोजेका थिए अस्मितालाई ?

श्रृंखला : ३
जनकराज सापकाेटा

काठमाडौँ — साउन २० गते चितवन नारायणगढको कंगारु होटलमा माउन्टेल टेलिभिजनका पत्रकार शालिकराम पुडासैनीको आत्महत्या भएपछि न्युज २४ बाट प्रसारण हुने कार्यक्रम 'सिधा कुरा जनतासँग' का सञ्चालक रवि लामिछानेले पुडासैनीको प्रेमिका रुकु भनिने अस्मिता कार्कीलाई भेटेर अर्न्तवार्ता लिने प्रयास गरेको तथ्य भेटिएको छ ।

प्रहरी बयानका क्रममा क्यामेरामेन अनिल ढुंगेलले कार्यक्रम सञ्चालक रवि र कार्यक्रम निर्माता दिपक बोहोराले भनेपछि आफूले पुरानो चिनाजानीका आधारमा अस्मितासँग केही कुरा बुझ्न बारम्बार फोन गरेको बताएका छन्। उनले भनेका छन, ‘दिपक र रविले घटनाबारे के रहेछ अस्मितासँग बुझ्नुपर्‍यो भनेकाले मैले निज प्रतिवादी अस्मितालाई पटक–पटक कल गरेको हुँ।’ एक/दुई दिन पछि दिपक र रवि अस्मितालाई भेटन बसुन्धाराको ग्रिन सिटी अस्पताल बाहिर पुगेर पटक-पटक फोन गरेको कुरा पनि अनिलले बताएका छन्।
कान्तिपुरले यसअघि गरेको खोजमा पनि अस्मिताका नजिकका साथी र परिवारका सदस्यले न्युज २४ बाट तारन्तार फोन आएका बताएका थिए। निमोनियाको बिरामी आमाको उपचारमा व्यस्त अस्मितालाई रवि सहितको टिमले किन अन्तर्वार्ताका निम्ती बारम्बार प्रयास गरेको थियो भन्नेबारे भने बयानमा केही भेटिएका छैन।
प्रहरी बयानमा क्यामेरामेन अनिलले भनेका छन्, ‘पटक–पटक फोन गर्दा पनि निजले रिसिभ नगरेपछि करिब एक घन्टामा फर्की आयौं। सो पश्चात निजसँग भेटघाट र कुराकानी भएको छैन।’
त्यसो त पत्रकार शालिकरामले बारम्बार दुःख दिएपछि र सताएपछि अस्मिताले आफ्नो पीडा रविलाई भेटेर सुनाउने प्रयास गरेकी थिइन्। सोही क्रममा उनी अस्पतालमा कार्यरत एक स्टाफ नर्सको सहयोगमा क्यामेरमेन अनिलको सम्पर्कमा पुगेकी थिइन्।

त्यसो त अस्मिताले पनि आफ्नो बयानका क्रममा शालिकको मृत्यु पछि अर्थात २१ गते दिउँसो साढे दुई बजेतिर न्युज २४ का अनिल ढुंगेल र दिपक बोहोराले पटक–पटक फोन गरी भेटन र ५ मिनेटको भएपनि भिडियो अर्न्तवार्ता दिन भनेको बताएकी छिन्।

यो पनि पढ्नुहोस्ः

प्रकाशित : भाद्र ९, २०७६ १३:१९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
×