रौतहट — रौतहटको राजपुर नगरपालिका–६ को वडा अध्यक्षमा कांग्रेसका उम्मेदवार समसे आलम विजयी भएका छन् । आलमले ७४४ मत ल्याई विजयी भएका हुन् ।
निकटतम् प्रतिद्वन्द्वी नेकपा माओवादी केन्द्रका जिकुरुलाहले ४६३ मत ल्याए । २०७९ सालको स्थानीय तहको निर्वाचनमा पनि यो वडामा कांग्रेसले नै जितेको थियो ।
मतपरिणाम अनुसार नेकपा एमालेका मोहम्मद नसिम अख्तरले ४३१ मत प्राप्त गरेको मुख्य निर्वाचन अधिकृतको कार्यालयले जनाएको छ ।
२ हजार ५४६ मतदाता रहेको यो वडामा आइतबार भएको मतदानमा १ हजार ७६६ मत खसेको थियो । कांग्रेसका वडा अध्यक्ष शेख मोजरेको गत वर्ष मृत्यु भए पछि यहाँ उपनिर्वाचन भएको हो ।
